کون اوتیشی بیلن هوا ساووق بولماقده و اوی‌لر نینگ ایسیتیش اوچون ایسیتغیچ قوییش گه آز وقت قالگنی، یاقیلغی یاغاچ قیمتی کوپ‌لیگی و اونینگ ساتیب آلیش اوچون امکانیت آزلیگی، ییتیب کیله‌دیگن قیش موسومی خصوصیده کابل یشاوچیلرینی خواطرلنتیرگن.
کابل نینگ غرب تامانی یشاوچیسی بولمیش سوپ ساته‌دیگن حسین‌علی نینگ ایتیشیچه: «حاضرگچه نه کییم-کیچک آلگن‌مین و نه یاغاچ. یاغاچ خروارینی ۱۲ مینگ ۵۰۰ افغانی دیه‌دیلر، پولیم یوق که ساتیب آلسه‌م.» آلتی باله‌سی بولگن حسین‌علی نینگ کوپه‌یتیریشیچه، باله‌لری اوچون کوز و قیش کییم‌لرینی ساتیب آلیش گه امکانیتی بولمه‌گنی بیرحالده، قیش اوچون یاقیلغی یاغاچ‌نی تامین‌لش نینگ کوپینچه خره‌جتی‌نی قنده‌ی قولگه کیلتیره آله‌دی.
بیزلرنینگ فیسبوک صحیفه‌میزگه باش اورینگ!
شونینگدیک کابل شهری‌ده یاغاچ ساته‌دیگنلردن قطاری نینگ ایتیشلریچه، جاری ییل‌ده اوتگن ییل گه قره‌گنده یاقیلغی یاغاچ قیمتی سیزیلرلی درجه‌ده کوپه‌یگن. مذکور یاقیلغی یاغاچ ساته‌دیگنلر گه کوره، اوتگن ییل بیر خروار بلوط یاغاچی سکیز-توقیز مینگ افغانی بولگنی بیرحالده، حاضر ایسه ۱۲ مینگ ۵۰۰ افغانی گه ساتیله‌دی.
یاقیلغی یاغاچ قیمتی کوپه‌یگنی، حاضر اقتصادی قیین‌چیلیگی بولگن یشاوچیلر نینگ خواطرلریدن بیری گه اوزگرگن، چونکه بیر تاماندن اولر قیش موسومی‌ده اوی‌لرینی ایسیتیش گه مجبورلر و باشقه بیر تاماندن، کابل ده ارزان و دایمی برق یوق.
بیش باله‌سی بولمیش کابل یشاوچیلریدن باشقه بیری میرآغا نینگ ایتیشیچه، کابل شهری‌ده یاغاچ قیمتی یوقاریلیگیدن خبر بولگنی‌دن بویان، کونده شهر بویلب بوت رنگ قیلیب و کیچه‌لر یاقیله‌دیگن چیقیندیلرنی توپلش بیلن، قیش اوچون تیارگرلیک آلماقده. اونینگ کوپه‌یتیریشیچه: «نه یاغاچیمیز بار و نه کومیر. کیچه‌لر قاغاز و بوتل‌لرنی ییغه‌من. یاغاچ بولمه‌گنی‌ده اولرنی یاقیش گه مجبور‌میز.»
یاغاچ ساته‌دیگنلردن قطاری، اورمانلر کیسیلیشی نینگ تقیق‌لنگنی نی یاقیلغی یاغاچ قیمتی یوقاری کیتگنی اونملی سببلریدن بیری دیگنلر.
کابل شهری تایمنی منطقه‌سیده یاغاچ ساته‌دیگنلردن سیدمقیم نینگ ایتیشیچه: «اورمانلر کیسیلیشی تقیق‌لنگنی اوچون بلوط یاغاچی قیمت دیر؛ بیراق توت، یانغاق و باشقه وطنی یاغاچلر قیمتی یخشی‌راق. ساتیب آله‌دیگنلر سانی کوپ؛ لیکن عرضه قیلیش یوق و بو اهالی قیین‌چیلیگی نی کوپه‌یتیرگن.»
شونینگدیک یاغاچ ساته‌دیگنلردن باشقه بیری سجاد امیری نینگ ایتیشیچه: «بلوط یاغاچی ۱۲ مینگ ۵۰۰ افغانی گه ییتیشگن و ارچه نینگ قیزیل و سریق یاغاچی ۱۱ مینگ ۵۰۰ افغانی دیر و توت و یانغاق یاغاچلری ایسه ۷ مینگ‌دن کوپراق الی ۹ مینگ افغانی دیر.»
باشقه بیرتاماندن، پایتخت ده یاغاچ ساته‌دیگنلردن قطاری نینگ ایتیشلریچه، یاقیلغی یاغاچ‌دن قطارینی قاچاق قیله‌دیگن. اولر حکومت تاماندن نرخ‌نامه تعیین‌لنیشینی ایسته‌گنلر.
کابل ده یاغاچ ساته‌دیگنلردن امیر نینگ ایتیشیچه: «یاغاچ نی بیر قطار مافیالر گروگان آلیب و وقت‌دن آلیب قویگنلر؛ بیر خرواری نی تورت مینگ ۵۰۰ افغانی گه ساتیب آلگنلر و ۱۰ مینگ افغانی گه ساته‌دیلر.»
بیزلرنینگ «ایکس» ترماغی ده هم تعقیب قیلینگ!
عین حالده، کابل شهری یاغاچ ساته‌دیگنلر بیرلشمه‌سی باشلیغی امیرمحمد کابلی، یاغاچ قیمتی یوقاری کیتگنی نی تصدیق‌لب ایتیشیچه، ایکینچیلیک، سووغاریش و چاروه‌‌چیلیک ریاستی گه نرخ‌نامه تکلیفینی بیرگنلر و بو غریده ایش نینگ دوامی بار. «اوتگن ییل گه قره‌گنده تاش کومیر قیمتی کمه‌یگن، بیر بوجی‌سی بیر مینگ ۲۰۰ افغانی. یاغاچ موضوع‌سی ایسه اورمانلر کیسیلیشی اوچون دیر که اونینگ اوچون حل یول تاپیلیشی کیره‌ک.»
کابل شهری یاغاچ ساته‌دیگنلر بیرلشمه‌سی مسئوللری گه کوره، اوتگن ییل بازارلرده بیر خروار یاغاچ قیمتی ۸ -۹ مینگ افغانی ایدی؛ بیراق جاری ییل ده واردات یوقلیگی سبب ۱۳ مینگ افغانی گه ییتیشگن که اوتگن ییل گه قره‌گنده ۳-۴ مینگ افغانی کوپه‌یگن.
