تکسی‌لر گه ینگی رنگ تعیین بولگنی‌دن قریب ایکی آی اوتگنی بیلن، ایچکی ایشلر وزیرلیگی ترافیک پولیس عمومی ریاستی مسئوللری نینگ ایتیشلریچه، کیله‌سی ایکی هفته‌گچه، تکسی‌لر نی بویش جریانی باشلنیب و تکسی‌لر گه وضع بولگن ینگی قانون‌لر نینگ عمل گه آشیریلیشی ممکن.
ترافیک پولیس عمومی ریاستی اداری اورین‌‌باسری تمیم عصمتی نینگ سلام‌وطندار گه ایتیشیچه، بو جریان نینگ شفاف و قانونی اساسیده انجام بیریلیشی اوچون، تکسی‌لرنی بویش جریانی کیچیککن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشچه: «اعلان پروسه‌سی نینگ یکونلنیشی نی کوتیب تورگن‌میز که، شرکت‌لر داوطلب‌لیککه کیلسین. ۱۵۰ مینگ تکسی بولگنی بیرحالده، ینگی و منظم بیر پروسه ایسته‌یدی. ان‌شاءالله بیر هفته‌گچه اوشبو پروسه باشلنه‌دی.»
کابل شهری‌ده‌گی تکسی هیداوچیلردن قطاری، شهرده شخصی موترلر نینگ کوپه‌یگنی‌دن شکایت قیلیب ایتیشلریچه، درآمدلری کمه‌یگن و موترلری نی بویش گه امکانیت‌لری یوق. کابل شهری نینگ میدان هوایی سرکی‌ده‌گی تکسی هیداوچیلردن حق‌یار نینگ ایتیشیچه، حکومت یوقاری خره‌جت نی تعیین قیلیش اورنیده، بیرینچی‌ده تکسی‌لر نینگ بویش‌دن آلدین نظم نی ایجاد قیلیش اوچون غیرقانونی شکلده فعالیت قیله‌دیگن موترلر نی توپله‌یشی کیره‌ک.
اونینگ کوپه‌یتیریشیچه: «حکومت شخصی موترلر نینگ توپلنیشی خصوصیده قانون وضع قیلیشی کیره‌ک. رنگی‌ده رضایتی‌میز یوث؛ آق‌وسریغ خلق‌ارا بیر رنگ دیر. امکانیتی‌میز یوق. نه پولی‌میز بار و نه هم ایش.»
شونینگدیک کابل شهری‌ده‌گی تکسی هیداوچیلردن باشقه بیری نجیب‌الله نینگ ایتیشیچه: «انه شوو سبب، ایشی‌میز خراب بولدی. انه شوو شخصی موترلر ارزان آلیب کیته‌دی. موترلریمیز نینگ رنگی درست و ینگی دیر. حتا سند‌لری نینگ ینگی قیلیش اوچون پولی‌میز بولمه‌گنی صورت‌ده، موتر نی قنده‌ی رنگ قیله‌یلیک.»
بیزلرنینگ توییترده هم تعقیب قیلینگ!
ایچکی ایشلر وزیرلیگی نینگ ترافیک پولیس عمومی ریاستی شونده‌ی بیرحالده، تکسی‌لر نینگ بویه‌لیشی‌دن خبر بیره‌دی که، قریب ایکی آی آلدین اوشبو وریاست تکسی‌لر نینگ بویه‌لیشی بیلن، ناتینچ‌لیک، فساد و آدم اوغریلیک آلدی آلینیشی نی بیان قیلگن ایدی.
