ایچکی ایشلر وزیرلیگی ترافیک عمومی ریاستی مسئوللری، بوگون (شنبه، ۲۰ حوت) کابل ده اوتکزیلگن مطبوعاتی ییغیلیش ده، اولکه بویلب حجت‌سیز موترلر ثبت ایتیلیش جریانی باشله‌نیشیدن خبر بیردیلر.
اولر گه کوره، اوشبو جریان اوچ آی گچه دوام تاپیب و اولکه مقیاسیده حجت‌سیز برچه موترلر ثبت ایتیلیشی کوتیله‌دی.
مذکور ییغیلیش ده ترافیک عمومی ریاستی مسئوللری نینگ ایتیشلریچه، اوتگن ییل‌لرده قاچاق شکلده اولکه گه وارد ایتیلگن حجت‌سیز موترلر، افغانستان ترافیکی سیستمینی قیینچیلیک بیلن روپه‌ره قیلگن.
بیزلرنینگ فیسبوک صحیفه‌میزگه باش اورینگ!
ترافیک عمومی ریاستی باشلیغی حسیب‌الله مختار نینگ ایتیشیچه: «کابینه قراری دیر، اوچ آی دن کیین، موتر پرزه‌لری وارداتی تقیقلنمه‌یدی بیراق بو ییرده بسته‌بندلیک قیلینیش گه رخصت بیریلمه‌یدی، موترلر نینگ راجستر قیلیش اجره‌سی یوک تاشووچی موتر و تیز سرعتلی موترلر گه قره‌ب آلینه‌دی.»
حجت‌سیز موترلر گه علاوه، اولکه یشاوچیلری و موتر هیداوچیلر تامانیدن ترافیکی قاعده‌لر نظرگه آلینمسلیگی، ترافیکی قیینچیلیک‌لردن سنه‌لیب و مسئوللر اوشبو ییغیلیش ده بوتوغریده شکایت قیلگنلر.
ایچکی ایشلر وزیرلیگی مسئوللری، ترافیکی قاعده‌لر حکومت اعضالری و حربی کوچلر تامانیدن رعایت ایتیلمسلیگیدن تنقید قیلیب، اولردن شهرلرده موتر هیده‌ش چاغیده ترافیکی قاعده‌لرنی رعایت ایتیش‌لرینی طلب قیله‌دیلر.
ایچکی ایشلر وزیرلیگی بیرینچی اورین باسری محمدنبی عمری نینگ ایتیشیچه: «اسلام امیرلیگی کوچلری دن ترافیکی قاعده‌لرنی رعایت ایتیش‌لرینی ایسته‌ی من، عادی اهالی اوستیگه بولگن قانون سیزلر اوستی‌لرینگیز گه هم بار، یشاوچیلر سیزلر گه قره‌ب قانون نی رعایت قیلیش اوچون سیزلر هم اوشبو قانون نی رعایت قیلیش‌لرینگیز کیره‌ک.»
اوتگن بیر ییل ده، اولکه مقیاسیده چمه‌سی ۸۰۰ کیشی ترافیکی حادثه طفیلی قربان بولگن.
بیزلرنینگ توییترده هم تعقیب قیلینگ!
ترافیک عمومی ریاستی پلان مدیری عبدالودود خیرخواه گه کوره: «۱۴۰۱_ییل ده ترافیکی قاعده‌لر رعایت ایتیلمسلیگی اوچون چمه‌سی ۱۱۵۰ ترافیکی حادثه یوز بیرگن، اوشبو حادثه‌لر عاقبتیده ۸۰۰ کیشی هلاک بولگن و ۱۶۲۰ کیشی یره‌لنگن.»
ترافیک عمومی ریاستی نینگ معلومات‌لری گه بناً، مملکت ده حجت‌سیز موترلر نینگ انیق رقمی بیللی ایمس و ثبت ایتیلیش جریانیده بو رقم بیللی بولیشی ممکن.
ایتیش کیره‌ک که، اسلام امیرلیگی حاکمیتیدن کیین، مملکت شهرلری اینیقسه کابل ده حجت‌سیز موترلر رقمی کوپه‌یگن.