یمن حوثیلری سوزلاوچیسی یحیا سریع، اسرائیل توپراغیدهگی نشانلرگه قرشی اوچته عملیاتنینگ اوتکزگنینی معلوم قیلگن.
او اوتگن کون شام چاغی (۳۱-اسد، جمعه)، بیر بیانیه آرقهلی ایتیشیچه، هایپرسونیک بالستیک راکتهسی بیلن، یافا منطقهسیده «لود» هوا قونالغهسینی نشانگه آلگن.
بیزلرنینگ «ایکس» ترماغی ده هم تعقیب قیلینگ!
اونگه کوره، شونینگدیک ینه ایکی عملیاتده اشقلان دهگی حربی جاینی و یافا دهگی اونملی بیر جاینی نشان گه آلگن.
سریعنینگ اورغولشیچه، مذکور هجوملر نوار غزه گه اسرائیلنینگ هجوملری دوامیگه عکسالعمل اولهراق عملگه آشیریلگن.
شونینگدیک اوتگن کون شام چاغی اسرائیل کوچلرینینگ اعلام قیلیشلریچه، یمن دن بیر راکته آتیلگنی کوزهتیلگچ، بیر نیچه حدودده آگاهلنتیریش زیگناللری چلینیب و مدافعه تیزیملری ایشگه توشیریلگن.
بیزلرنینگ فیسبوک صحیفهمیزگه باش اورینگ!
بو بیلن بیرگه، اسرائیلنینگ «۱۲ ترماغی» گزارشی اساسیده، تلآیو رسمیلری یمن دن راکته آتیلگنی کوزهتیلگنیدن کیین، تلآویو یقیندهگی «بن گوریون» قونالغهسینینگ هوا حریمی، یاپیلگن.
شونینگدیک بیانیهده اسرائیلنینگ شاشلینچ طبی یاردم خذمتلری، راکته آتیلگنیدن کیین باشپنهلرگه کیتهیاتگن کیشیلردن قطارینینگ بیراز جراحت کوتارگنلرینی بیان قیلگن.
