خلق‌ارا میدیالر نینگ گزارش بیریشلریچه، آتیش کیسین و اسیرلر نینگ قوییب یوباریلیشی جریانیده، اسرائیل حاضرگچه کرانه‌ی باختری و شرقی بیت‌المقدس ده اونلب فلسطین‌لیک نینگ قولگه آلینیشی نی دوام بیرگن.
الجزیره خبری ترماغی نینگ گزارشی اساسیده، آتیش کیسین نینگ باش تورت کونی‌ده، اسرائیل ۱۵۰ فلسطین‌لیک اسیر جمله‌دن ۱۱۷ باله و ۳۳ عیال و حماس ۶۹ اسیر جمله‌دن ۵۱ اسرائیل و باشقه مملکت‌لردن بولگن ۱۸ کیشی نی قوییب یوبارگن.
بیزلرنینگ «ایکس» ترماغی ده هم تعقیب قیلینگ!
فلسطین‌لیک اسیرلر انجمنی گه کوره، اسرائیل تورت کون جریانیده کمیده ۱۳۳ فلسطین‌لیک نی اورشیلیم شرقی و کرانه‌ی باختری‌دن قولگه آلگن دیر.
فلسطین‌لیک اسیرلر انجمنی سوزلاوچیسی امانی سرهنه نینگ الجزیره گه ایتیشیچه: «اشغال نینگ بولگنی پیت گه قدر، قولگه آلینیشلر نینگ توخته‌مسلیگی ممکن. اهالی بونی درک قیلیشی کیره‌ک؛ چونکه فلسطین‌لیکلر برابریده اشغال‌گرلیک مرکزی سیاسی و هر قنده‌ی مقاومت نی محدود قیلیش دیر.»
سرهنه نینگ کوپه‌یتیریشیچه، اسرائیل قوییب یوباریلگنلر نینگ قیته قولگه آلینمه‌سلیگی اوچون بیر تضمین ارائه قیلیب قیلمه‌گنی بیللی ایمس. «بو کیشی‌لر قیته دن قولگه آلینیش اوچون اینگ بویوک دلیل بو که، حاضر حبس گه آلینگنلر نینگ کوپی، قماقخانه‌لر دن قوییب یوباریلگنلر دیر.»
قطر واسطه‌چیلیگی بیلن آتیش کیسین، نوار غزه ده اسرائیل نینگ شدت‌لی ۵۱ کون بمباردمانی‌دن کیین، جمعه کونی ۲۴-نوامبر‌دن باشلندی.
بیزلرنینگ فیسبوک صحیفه‌میزگه باش اورینگ!
مذکور وقت‌دن حاضرگچه اسرائیل، ۱۵ مینگ‌دن آرتیق فلسطین‌لیک نی نوار غزه ده اولدیرگن که، اولردن کوپینچه‌سی باله‌لر و عیال‌لر دیر.
باش تورت کون آتیش کیسین، دوشنبه کونی ۲۷-نوامبر ایکی کون گه اوزه‌یتیریلدی و اوشبو آتیش کیسین جریانیده ۶۰ فلسطین‌لیک و باشقه ۲۰ اسیر نینگ قوییب یوباریلیشی ممکن.
