ملی خوفسیزلیک کینگش دفتری نینگ اعلام قیلیشیچه، جمهوررئیس غنی نینگ اَیری بویروغ‌لری اساسیده، قندهار سابق حاکمی حیات‌الله حیات ایچکی ایشلر وزیرلیگی سرپرستی و محلی ارگانلر سابق اورین‌باسری ایوب سالنگی نینگ مذکور وزیرلیک بیرینچی اورین‌باسری صفتیده تعیین قیلگن.
بوگون (جمعه ۲۹- حوت) توشدن کیین ملی خوفسیزلیک کینگشی تامانیدن نشر قیلینگن خبرنامه‌ده کیلیشیچه، ایچکی ایشلر وزیرلیگی نینگ ینگی رهبرلیگی بیرینچی اَدیم ده امنیتی وضعیت یخشی‌لنیشی، قانون تطبیق ایتیلیشی و جرم‌لرگه قرشی کوره‌ش اوچون عاجل اقدام‌لرنی عمل گه آشیریشی ممکن.
بوندن آلدین محمدمسعود اندرابی ایچکی ایشلر وزیری و صبور قانع مذکور وزیرلیک بیرینچی اورین‌باسری صفتیده ایش قیلماقده ایدی. باشقه بیرتاماندن جمهوررئیس باشقه بیر بویروغ ده محمد یاسین ضیا نینگ مدافعه وزیرلیگی سرپرستی و حربی مرکز باشلیغی صفتیده تعیین قیلگن.
ملی خوفسیزلیک کینگشی نینگ بیر خبرنامه‌سیده کیلیشیچه، جناب غنی نینگ بو بویروغی اساسیده، جناب ضیا مدافعه وزیری اسدالله خالد داروله‌نیب و ایش گه قیتگونگه قدر مذکور وزیرلیک ایشلری نی آلغه آلیب باره‌دی.
مدافعه وزیرلیگی گه کوره، بو وزیرلیک وزیری اسدالله خالد نیچه آیدن بویان کسل‌لیگی باعث مملکتدن تشقی حیات کیچیرماقده.