ملی مدافعه وزیرلیگی سرپرستی اسدالله خالد نینگ ایتیشیچه، افغانستان ده چیت‌ایللیک کوچلرنینگ سانی کوپه‌یشی ممکن.
بوگون (سه‌شنبه ۲۷- عقرب) ملی مدافعه وزیرلیگی سرپرستی اسدالله خالد نماینده‌لر کینگشی ده ایتیشیچه، نشر قیلینگن گزارشلرگه قرشی افغانستان ده چیت‌ایللیک کوچلر رقمی نینگ کوپه‌یش احتمالی بار.
ملی مدافعه وزیرلیگی سرپرستی گه کوره، چیت‌ایللیک کوچلر افغانستان نی بوتونلی ترک قیلمه‌یدی.
اونینگ اورغولشیچه، چیت‌ایللیک کوچلر افغانستان دن بوتونلی چیققن صورتده، افغانستان امنیتی کوچلری اوز مملکت‌لریدن دفاع قیله آله‌دی.
اونگه کوره، افغانستان امنیتی کوچلری عملیات‌لردن ۹۶ فایزی گه تشقی کوچلردن یاردم آلمه‌یدی و یالغیز هوایی عملیات‌لرگه اولردن یاردم آله‌دی.
او، دوحه ده دوام ایتیب کیله‌دیگن تینچلیک سوزلشوولریگه اشاره قیلیب ایتیشیچه، بو سوزلشوولرنینگ نتیجه بیریشی گه ایشانچی یوق.
خالد گه کوره، تینچلیک و زوروانلیکلر کمه‌یتیریلیشی اوچون طالبان گه هیچ قنده‌ی اراده کوریلمه‌یدی.
جناب خالد طالبان نینگ سونگی هجوم‌لری گه اشاره قیلیب ایتیشیچه، طالبان قندوز، ارزگان، فراه و غزنی ولایت‌لری نینگ سقوط بیریش اوچون برنامه آلگن ایکن، بیراق اولرنینگ برنامه‌سی مغلوب بولگن و شونینگدیک ۹ تومن طالبان نظارتیدن چیقاریلگن.
ملی مدافعه وزیرلیگی سرپرستی اسدالله خالد، مملکتده چیت‌ایللیک کوچلرنینگ رقمی کوپه‌یشیدن خبر بیرگن بیرحالده، چیت‌ایللیک کوچلر کیله‌جک ییل می آیی یکونلنگونگه قدر افغانستان نی بوتونلی ترک قیلیشی گه قرار قیلینگن ایدی.
دونالد ترامپ آمریکا جمهورلیک ریاست سیلاوی یولگه قوییلمسدن آلدین، کریسمس گه قدر برچه آمریکالیک کوچلر اوز مملکت‌لریگه قیتیشی ممکن دیگن ایدی.
