بلخ مرکزی مزارشریف شهری یشاوچیلریدن قطاری نینگ سلام‌وطندار گه ایتیشلریچه، رمضان آیی نینگ باش ایکی کونی‌ده ییگولیک ماده‌لر قیمتی سیزیلرلی درجه‌ده آشیب و اهالی نینگ ییگولیک ماده ساتیب آلیش گه کوچی ایتمه‌یدی.
بلخ یشاوچیلری ایش فرصت‌لری یوقلیگی، ایش‌سیزلیک و قشاق‌لیک کینگه‌یشی بیلن بیرگه، ییگولیک ماده‌لر قیمتی آشیشی نی خواطرلنتیرووچی دیب و بازار نینگ کنترول و نظارت بولینیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
اولر نینگ کوپه‌یتیریشلریچه، سونگی ایکی کون جریانیده بیر بوجی اون قیمتی ۱۰۰ افغانی، ۱۰ لیتره بیر بشکه یاغ قیمتی ۶۰ افغانی و بیر سیر پیاز و کچالو قیمتی ۵۰ افغانی آشگن دیر.
مزارشریف شهری یشاوچیلریدن بیری ظریف، ییگولیک ماده ساتووچیلر نینگ قیمت ساتیش گه عیب‌لب ایتیشیچه: «قیمت‌لر جوده‌یم یوقاری کیتگن. بیر بوجی اون قیمتی ۱۰۰ افغانی و بیر قوطی یاغ قیمتی ۶۰ افغانی یوقاری کیتگن. اسلام امیرلیگی‌دن قیمت ساته‌دیگنلر آلدی آلینیشی نی ایسته‌گنلر.»
مزارشریف شهری یشاوچیلریدن باشقه بیری شریف سرپرست حکومت آرقه‌لی بازار نینگ کنترول و نظارت بولینیشی گه تاکید‌لب ایتیشیچه، قشاق‌لیک و ایش‌سیزلیک سبب، اهالی ییگولیک ماده ساتیب آلیش گه کوچی ایتمه‌یدی.
اونینگ کوپه‌یتیریشیچه: «اهالی‌دن کوپینچه‌سی ایش‌سیز، آچرچیلیک کوپه‌یگن. سوداگرلر و دکان‌دارلردن قیمت ساتمسلیک‌لری نی ایسته‌یمیز. حکومت هم اولر نینگ آلدینی آلیشی کیره‌ک که اهالی نیازی بولگن نرسه نی ساتیب آلالسین.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، مزارشریف بلدیهسی مسئوللری نینگ ایتیشلریچه، قیمت ساتووچیلیک آلدی آلینیشی و کنترول بولینیشی اوچون بیر کمیسیون ایجاد قیلگنلر.
مزارشریف بلدیهسی محمدکاظم طارق نینگ سلام‌وطندار گه ایتیشیچه: «قیمت‌لر نی کنترول قیله‌دیگن کمیسیون جدی شکلده فعالیت قیلماقده. قیمت ساتگن هر بیر دکان‌دارلر نینگ دکانی نی مهرولاک قیلیب و ایکی کون‌گچه فعالیت قیلیش گه رخصت بیریلمه‌یمیز.»
ایتیش کیره‌ک که، هر ییل رمضان آیی نینگ ییتیب کیلیشی بیلن، اهالی نینگ ایسته‌ک میزانی یوقاری کیتیشی سبب، مملکت ولایت‌لریده ییگولیک ماده‌لر قیمتی یوقاری کیتیب و اهالی نینگ کوپینچه قیین‌‌چیلیک بیلن روپه‌ره قیله‌دی.
