افغانستان اوچون چین مخصوص نماینده‌سی یو شیاویونگ، اسلام امیرلیگی تشقی ایشلر وزیرلیگی سرپرستی امیرخان متقی بیلن اوچره‌شگنی‌ده، اوندن افغانستان‌نینگ قوشنی مملکت‌لری تشقی ایشلر وزیرلری کیله‌سی ییغیلیشی‌گه شرکت قیلیش‌گه چقیرگن.
مذکور موضوع‌نی تشقی ایشلر وزیرلیگی سوزلاوچیسی اورین‌باسری ضیااحمد تکل، بوگون (۵-قوس، دوشنبه)، اوز اکس صحیفه‌سیده بیر بیانیه ترقه‌تیش بیلن بیان قیلگن.
بیزلرنینگ «ایکس» ترماغی ده هم تعقیب قیلینگ!
تشقی ایشلر وزیرلیگی سوزلاوچیسی اورین‌باسری گه کوره، یو شیاویونگ امیرخان متقی‌دن قوشنی مملکتلر تشقی ایشلر وزیرلری کیله‌سی ییغیلیشی‌گه شرکت قیلیشینی ایسته‌گن.
افغانستان اوچون چین مخصوص نماینده‌سی‌نینگ ایتیشیچه، مملکتی افغانستان‌لیک‌لر‌نینگ ارزشلری و تنلاو‌لریگه حرمت قیله‌دی.
بیزلرنینگ فیسبوک صحیفه‌میزگه باش اورینگ!
بیانیه‌ده کیلیشیچه، اوشبو اوچره‌شووده ایکی تامان ایکی تامانلمه علاقه‌لر، افغانستان و چین آره‌سیده منطقه‌یی ایشلر و اقتصادی همکارلیک‌لر خصوصیده صحبت قیلگنلر.
شونینگدیک اسلام امیرلیگی تشقی ایشلر وزیرلیگی سرپرستی، افغانستان و چین آره‌سیده سوداگرلیک بولیمی‌ده‌گی یوتوقلرنی تحسین گه سزاوار دیگن.