افغانستان ده ایش‌سیزلیک و قشاق‌لیک کوپه‌یگنی خصوصیده خلق‌ارا قاچقین‌لر تشکیلاتی نینگ خواطری بیلن، سونگی ایکی ییل جریانیده ایشلری نی قولدن بیریب و یامان اقتصادی وضعیت‌ده حیات کیچیره‌دیگن یشاوچیلردن قطاری نینگ ایتیشلریچه، قشاق‌لیک و ایش‌سیزلیک‌دن زیریلککنلر.
جمهوریت توزومی‌ده خصوصی مکتب‌لردن بیریده قوریچی بولیب و حاضر ایسه ایش‌سیز بولگن ۳۲ یاشر شفیق نینگ ایتیشیچه، کونده ایش تاپیش اوچون اوی‌دن چیقه‌دی، بیراق ایش تاپه آلمه‌یدی. اونینگ کوپه‌یتیریشیچه: «مکتب اوقووچی آزلیگی سبب، یاپیلگنی‌دن کیین، ایش‌سیز بولیب و کوپینچه قیین‌چیلیک بیلن روپه‌ره‌مین. عایله خره‌جتی نی تامین قیله آلمه‌یمن، اقتصادی قیین‌چیلیک‌لر بیلن روپه‌ره‌مین. عایله اقتصادی‌میز ۸۰ فایز اوزگرگن. هر کون ایش اوچون چوک گه باره‌من، بیراق ایش یوق.»
بیزلرنینگ فیسبوک صحیفه‌میزگه باش اورینگ!
شونینگدیک جمهوریت توزومی‌ده دولتی مکتب‌لردن بیریده اوقیتووچی بولگن کابل یشاوچیسی مروه، یامان اقتصادی وضعیت‌دن خواطر بیلدیریب ایتیشیچه، اوشبو وضعیت اونی روحی قیین‌چیلیک‌لر بیلن روپه‌ره قیلگن. «مین ایش‌سیز بولگنیم‌دن نیچه آی‌دن سونگ، تورموش اورتاغیم هم ایش‌سیز بولدی. باشقه بیر ییرده ایش آلیش اوچون کوپ تلاش قیلدیم، بیراق ایش یوق. حاضر ایسه تورموش اورتاغیم کراچی هیده‌یدی، لیکن ایش یوقلیگی سبب، کیچه و کوندوز نانی‌میز نی کوپ قیین‌چیلیک بیلن تاپه‌میز. کرایی اوی دیر. حیات کوپ قیین بولگن.»
ینگی‌لیکده خلق‌ارا قاچقین‌لر تشکیلاتی توییتر صحیفه‌سیده افغانستان اقتصادی نی یامان دیب ایتیشیچه، اوشبو مملکت یشاوچیلریدن قریب ۷۰ فایزی ایش‌سیز دیر و قشاق‌لیک چیزیغی آستیده حیات کیچیره‌دیلر.
عین حالده، اقتصاد وزیرلیگی نینگ ایتیشیچه، افغانستان ده قشاق‌لیک اوزون زمان‌دن بیری بار و اقتصادی آستقورمه‌لر یوقلیگی، دایمی ایش یوقلیگی، اقتصادی تحریم‌لر وضع بولگنی و ترقیاتی پروژه‌لردن قطاری نینگ توخته‌گنی، مملکت‌ده قشاق‌لیک کوپه‌یشی گه سبب بولگن.
اوشبو وزیرلیک سوزلاوچیسی عبدالرحمان حبیب نینگ ایتیشیچه: «قشاق‌لیک نی کمه‌یتیریش ایشی‌میز نینگ اولویتی‌ده قرار تاپگن. اوتگن ایکی ییل‌ده آستقورمه پروژه‌‌لر خصوصیده توجه بولگن. یشاوچیلردن قطاری گه ایش زمینه‌سی یره‌تیلگن، بیراق ییترلی ایمس و برچه اداره‌لر و وزیرلیک‌لر ایش زمینه‌سی یره‌تیلیشی اوچون ایش بولیم‌لریده سعی و حرکت قیلیشلری کیره‌ک.»
بیراق ایش و اجتماعی ایشلر وزیرلیگی نینگ ایتیشیچه، افغانستان ده ایش‌سیزلیک میزانی سونگی ایکی ییل‌ده کمه‌یگن دیر.
بیزلرنینگ توییترده هم تعقیب قیلینگ!
ایش و اجتماعی ایشلر وزیرلیگی سوزلاوچیسی سمیع‌الله ابراهیمی نینگ ایتیشیچه: «افغانستان ده ایش‌لیک اوتگن ییل‌لردن دیر. اسلام امیر‌لیگی نینگ قدرت گه ایریشگنی بیلن ایش‌سیزلیک میزانی کمه‌یگن. اوتگن ایکی ییل‌ده ۵۳ مینگ ایچکی و خارجی کیشی‌لر گه ایش جوازی بیریلگن.»
شونده‌ی بیرحالده، مملکت‌ده قشاق‌لیک و ایش‌سیزلیک میزانی خصوصیده ینگی آمار قولده یوق. معلومات و احصایه ملی اداره‌سی نینگ سایتی‌ده ترقه‌تیلگن سونگی آمار گه کوره، ۲۰۲۰-ییل‌ده ایش‌سیزلیک میزانی ۴۷.۱ فایز و بو ییل ایسه ۱۸.۶ فایز دیر. اوشبو اداره نینگ آماری اساسیده، بو ییل شهری قشاق‌لیک میزانی ۴۵.۵ فایز، دهاتی قشاق‌لیک میزانی ۴۷.۶ فایز، شهری ایش‌سیزلیک ۲۱ فایز و دهاتی ایش‌سیزلیک میزانی ۱۸.۳ فایز دیر.