خلقارا ساغلیقنی سقلش تشکیلاتی، خلقارا «تنباکوگه چیک قوییش» کونی مناسبتی بیلن ایتیشیچه، افغانستان اهالیسی آرهسیده اینگ کوپ ترقهلگن تنباکو توری ناس دیر.
مذکور تشکیلات، بوگون (۱۰-جوزا، شنبه)، اکس صحیفهسیده یازیشیچه، افغانستان دهگی هر بیر تورت کیشیدن بیرتهسی منظم شکلده تنباکودن فایدهلنهدی.
بیزلرنینگ «ایکس» ترماغی ده هم تعقیب قیلینگ!
خلقارا ساغیلقنی سقلش تشکیلاتینینگ آگاهلنتیریشیچه، تنباکو صناعتی افغانستاننینگ یاش نسلینی نشان گه آلیب و اوسمیرلر اینیقسه اوغیل بالهلر آرهسیده کوپهیماقده.
افغانستان ده اوشبو تشکیلات وکیلی ادوین سنیزا سالوادور، یشاوچیلردن «عمومی بیردملیک بیلن تنباکو زیانلری برابریده اهالی آسایشتهلیگی و سلامتلیگینینگ سقلنیشی» نی سورهب و کوپهیتیریشیچه، اوشبو مملکتنینگ کیلهسی نسللری ساغلیگی سقلنیشی اوچون بو پروسهنینگ توختهتیلیشی کیرهک.
افغانستان ده خلقارا ساغلیقنی سقلش تشکیلاتی وکیلی، دولت، مدنی نهادلر و عایلهلردن آگاهیلیک بیریش و آلدینی آلیش اقداملر بیلن، تنباکو تهدیدلریگه قرشی توختهشلرینی سورهگن.
بیزلرنینگ فیسبوک صحیفهمیزگه باش اورینگ!
گرچند افغانستان ده تنباکونینگ فایدهلنیشی توغریسیده ینگی بیر رقم قولگه یوق؛ بیراق اسلام امیرلیگی ساغلیقنی سقلش وزیرلیگی ۱۴۰۲-ییلده، افغانستان اهالیسیدن ۲۷ فایزینینگ تنباکودن فایدهلنیشی و فایدهلنووچیلردن ۲.۷ فایزینینگ عیاللر بولگنینی ایتگن ایدی.
۳۱-می، بیرینچی مرته خلقارا ساغلیقنی سقلش تشکیلاتی آرقهلی ۱۹۸۷-ییلده خلقارا «تنباکو گه چیک قوییش» کونی اولهراق ناملنگن. اوشبو کوننینگ ناملنگنیدن مقصد، اهالی و جمعیت ساغلیگیگه تنباکونینگ زیانلری اثری حقیده عمومی آگاهیلیک کوپهیشی و اونینگ استعمال قیلینیشی کمهیشی اوچون فایدهلی سیاستلر عملگه آشیریلیشی توغریسیده دولتلرنی تشویق قیلیش دیر.
