۳۱ می خلق‌ارا تنباکو کونی گه ماس دیر. ساغلیق‌نی سقلش وزیرلیگی بوگون (چهارشنبه، ۱۰ جوزا) کابل ده خلق‌ارا تنباکو کونیدن نشانلش مناسبتی بیلن اوتکزیلگن ییغیلیش ده ایتیشیچه، مملکت نینگ ۲۷ فایز اهالیسی ترتیبلی روشده تنباکو استعمال قیله‌دی و اولر ارا ۲.۶ فایزینی عیاللر تشکیل بیره‌دی.
ساغلیق‌نی سقلش وزیرلیگی نینگ پلان و پالیسی معینی محمدحسن غیاثی گه کوره، مذکور وزیرلیک تنباکو محصولاتینی کمه‌یتیریش اوچون ینگی ریجه‌لر اوستیده ایشله‌ماقده دیر.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «افغانستان نینگ ۲۷ فایز اهالیسی ترتیبلی روشده تنباکو استعمال قیله‌دی و اولر ارا ۲.۶ فایزینی عیاللر تشکیل بیره‌دی. یشاوچیلر نینگ قریب ۲۰ فایزی ناس کبی دودسیز تنباکو دن قوللنه‌دی.»
ساغلیق‌نی سقلش وزیرلیگی مسئوللری نینگ ایتیشلریچه، مملکت بویلب ۴۵.۵ فایز اولیم میزانینی یوقوملی بولمه‌گن کسللیکلر گه چلینگنلر تشکیل بیره‌دی، یاش‌لر کیکسه‌لر گه نسبتن کوپ تنباکو استعمال قیلیش‌لری اوچون کوپراق مذکور کسللیکلر گه چلینیشه‌دی.
عین‌حالده، وقایه طبیات عمومی باشلیغی حیدرخان حیدر گه کوره، تنباکو استعمال قیلووچی‌لر اوپکه سرطانی، قلبی و تنفسی کسللیکلر کبی خوفلی بیمارلر گه چلینه‌دیلر. او بوتوغریده آگاهی‌لیک بیریلیشینی طلب قیله‌دی.
بیزلرنینگ توییترده هم تعقیب قیلینگ!
او نینگ ایتیشیچه: «حج و اوقاف وزیرلیگی، برچه مسجدلر نینگ امام‌لریدن جمعه خطبه‌لریده بوتوغریده یشاوچیلر گه آگاهی‌لیک بیریشی کیره‌ک.»
خلق‌ارا ساغلیق‌نی سقلش تشکیلاتی نینگ معلوماتی اساسیده، هر ییلی دنیا بویلب ۸ میلیون کیشی تنباکو استعمال قیلیش عاقبتیده وفات ایته‌دیلر.
