سرپل ولایت مقامی ییتکرمهلر ادارهسی بیر بیانیه آرقهلی، اوشبو ولایت مرکزی همده سوزمهقلعه و سانچارک تومنلریده ییتیته سوو ییتکزیش ترماقنینگ قوریلیش ایشی باشلنگنیدن خبر بیرگن.
مذکور سوو ییتکزیش ترماقلر، سرپل قیشلاقلرنی رواجلنتیریش و قیته قوریش ریاستی هماهنگلیگیده، بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، مالی یاردمی بیلن قوریلهدی.
بیزلرنینگ فیسبوک صحیفهمیزگه باش اورینگ!
سرپل قیشلاقلرنی رواجلنتیریش و قیته قوریش باشلیغی جمعه حقیار، اوشبو سوو ییتکزیش ییتیته ترماقنینگ ۵۲ میلیون افغانی عوضیگه قوریلیشینی بیان قیلگن.
جناب حقیارگه کوره، مذکور ترماقلرنینگ قوریلیش ایشی اوچ دن آلتی آیگچه یکونلنیب و ایکی مینگ ۳۰۰دن آرتیق عایلهنینگ ایچیملیک سوودن فایدهلنیشی ممکن.
شوندهی بیرحالده، سرپل اقتصاد باشلیغی سیدعبدالبصیر صابری، محل یشاوچیلردن سوو ییتکزیش ترماقلر سقلنیشی ساحهسیده جدی توجه قیلیب، سوو ذخیره بولیشی و صرفلنیشی توغریسیده دقت قیلیشلرینی ایستهگن.
بیزلرنینگ «ایکس» ترماغی ده هم تعقیب قیلینگ!
صابرینینگ ایتیشیچه، سرپل ولایتی تومنلریدن قطاری یشاوچیلری، ایچیملیک سوو کملیگی بیلن روپهره بولیب و بعضا سوو ساتیب آلیشگه مجبورلر.
بوندن آلدین هم، بیرلشگن ملتلر تشکیلاتینینگ بالهلرنی قوللب-قوتلش صندیغی، افغانستاننینگ بیر قطار ولایتلریده سوو ییتکزیش ترماق قورگن.
