ناتو باش کاتبی ینس استولتنبرگ نینگ ایتیشیچه، افغانستاندن ناتو کوچلرینی چیقیشی اوشبو مملکت‌نی دهشت تشلاوچی‌لر تینچ پناه‌گاهی‌گه اوزگریش خطری بیلن روپه‌ره بولیشی‌گه سبب بوله‌دی.
ناتو باش کاتبی اوشبو موضوع نی آلمان «ویلت ام سونتگ» کونده‌لیگی بیلن اوتکزگن صحبتی‌گه بیان قیلگن. اونینگ ایتیشیچه، طالبان گروهی زوروانلیکلرنی کمه‌یتیریش و دهشت تشلاوچی گروه‌لر بیلن رابطه‌سینی توخته‌تیش خصوصیده بیرگن تعهدلریگه عمل قیلمه‌گن.
ناتو باش کاتبی نینگ طالبان تامانیدن زوروانلیک کوپه‌یتیریلیشی‌گه اشاره قیلیب ایتیشیچه، ناتو هیچ‌بیر عضوی نیاز بولمه‌گن صورتده، افغانستانده قالیش‌نی ایستمه‌یدی.
اونینگ کوپه‌یتیریشیچه: « کیله‌جک کونلر و هفته‌لر اونملی دیر. آمریکا ده ینگی حکومت ایجاد ایتیلیشیدن سونگ ناتو مدافعه وزیرلری نینگ بیرینچی ییغینی تیزلیک‌که یولگه قوییله‌دی. ناتو متحدلری نینگ اوشبو تشکیلات‌نی افغانستانده حضور تاپیشی خصوصیده تمرکزلی شکلده توشینیشیدن امیدوارلیک بیلدیره‌میز.»
ناتو مدافعه وزیرلری نینگ ییغینی‌نی کیله‌سی هفته چهارشنبه کونی یولگه قوییلیشی ممکن. اوشبو ییغینده ناتو کوچلری نینگ افغانستانده‌گی حضوری خصوصیده قرار قیلینیشی کیره‌ک.
