رواجلنگن مملکتلرده حاملهدارلیک دوریده التراتاووش تېکشیرووی فقط تورت مرته و انیق طبی مقصدلر اوچون اوتکزیش توصیه اېتیلهدی، سلاموطندارنینگ معلوماتلری اساسیده، افغانستانده حاملهدار عیاللر اورتچه اولتراتاووش (تلویزینی تېکشیروو)دن اوتهدیلر. بو حالت اساسن اقتصادی معمالر، آگاهیسیزلیک، منتظم طبی مراقبتلرنینگ موجود اېمسلیگی و مملکتدهگی طبی تیزیم ضعیفلیگی بیلن باغلیق.
التراتاووش تېکشیرووی تاووش تولقینلری یاردمیده حامله و حاملهدارلیک حالتینینگ انیق تصویرینی بیرهدی همده توغروقدن آلدین یوزه گه کېلیشی ممکن بولگن معمالرنی انیقلش و باشقریشده مهم واسطه حسابلنهدی.
سلاموطندار افغانستاندن تشقری و ایچیدهگی ۱۷ عیال و ۷ متخصص شفاکار بیلن صحبت قیلگن؛ اولرنینگ ۱۱ نفری افغانستانده و ۶ نفری جرمنی، امریکا، فرانسه و پاکستانده، حاملهدارلیکنی تجربه قیلگنلر. اوشبو گزارش اساسیده عایلهوی شفاکار یوقلیگی، عیاللرنینگ حاملهدارلیک احوالیدن خبرسیزلیگی، توییب آوقتلنمسلیک و حاملهدارلیک دوریدهگی قیینچیلیکلردن کېلیب چیققن تشویش، افغانستاندهگی عیاللر هر آی اولتراتاووشدن اوتیش گه سبب بولگن.
رابعه بلخی کسلخانهسیده نسایی-ولادی متخصص ترینر شفیقه برشنا بابکنینگ ایتیشیچه، حاملهدارلیک آیلرده اولتراتاووشدن اوتیش حاملهدار عیال اوچون ضرور اېمس، بیراق افغانستان خلقینینگ تورموش اسلوبی، شفاکارلر حاملهدار عیاللرنی کوپراق اولتراتاووشدن اوتکزیش گه سبب بولهدی.
اونینگ کوپهیتیریشیچه: «اولتراتاووش حاملهدارلیک باشلنیشیده عیاللر اوچون اوتکزیلسه، چونکه افغانستانده عیاللر سۉنگی مرته حیضلریدن خبرلری بولمهیدی شونی اوچون اولتراتاووشدن اوتیشلری توصیله اېتیلهدی و تخمینی حامله یاشی انیقلنسه و عیال هردایم مراجعت قیلیش اوچون عایلهوی شفاکارلری یوق.»
باشقه تاماندن، ملالی تخصصی کسلخانهسیده التراتاووش متخصص شفاکاری آمنه تمنا حبیبینینگ ایتیشیچه، مناسب آوقتلنمسلیک، حاملهدارلیک دوریده آغیر ایشلرنی قیلیش و بعضی ویتامینلر یېتیشمسلیگی طفیلی آنه و جنین مراقبتی اوچون عیاللر کوپراق التراتاووشدن اوتیشلری کېرهک.
بیزلرنینگ فیسبوک صحیفهمیزگه باش اورینگ!
اونگه کوره: «افغانستانده یشاوچیلرنینگ اقتصادی یخشی اېمس و ایرککلر بیلن بیر قطارده ایشلهیدیلر بیراق یخشی آوقتلنیشمهیدی و بعضی حالتلرده عیال تنهسیده مواد یېتیشمهیدی و عیاللر حاملهدارلیک پیتیده کوپراق آغریق حس قیلهدی آنه و چقهلاقنی حفظ و مراقبت قیلیش اوچون هر آی چکاپ قیلیب و التراتاووش اوتکزیش گه مجبور بولهمیز.»
شو بیلن بیرگه، رابعه بلخی تخصصی کسلخانهسی اورین باسری ذکیه عزیز گه کوره، تشقی مملکتلرده عمومی آگاهیلیگی یوقاری دیر و آدملر شفاکار مصلحتی و انیق ریجه و قرارلر بیلن حاملهدار بولهدیلر، بیراق افغانستانده اقتصادی معما و آگاهیلیک درجهسی پسلیگی طفیلی، شفاکار هردایم کسلدن یخشی مراقبت قیلیب و التراتاووش گه قوشیمچه باشقه کوریکلرنی اوتکزیشی کېرهک.
اونینگ کوپهیتیریشیچه: «چقهلاق قنچه کتّرگن، حمل یاشی قنچه، جنین عادی شکلده می یوق، قان، سیدیک، قند، قان باسیمی کوریکی اوتزکیلیب و ARS فکتورلری بار اوتکزیلیشی کېرهک.»
حاملهدارلیک پیتیده التراتاووش اۉتکزیش شخصی شرایط و شفاکارنینگ نظری اساسیده فرقلی دیر، بیراق معمول شکلده، سالم حاملهدارلیک اوچون، تورت مرته التراتاووش اۉتکزیلیشی توصیه اېتیلهدی. بو التراتاووشلر معمول شکلده حاملهدارلیک بیرینچی باسقیچلریده ۱۲، ۲۲ و ۳۲ – هفتهلریده اۉتکزیلهدی. شو بیلن بیرگه، هر قندهی معما یا که خاص مشکل کوزهتیلگن حالده، التراتاووش سانی آشیریلیشی ممکن.
بیزلرنینگ «ایکس» ترماغی ده هم تعقیب قیلینگ!
برچهسی بیلن، هرات ولایتی یشاوچیسی سمیره حاملهدارلیک پیتیده قیینچیلیگی بارلیگی اوچون تورت مرتهدن کوپراق التراتاووش اۉتکزگن ایتیشیچه: «مین هر آی شفاکار گه مراجعت قیلردیم چونکه حاملهدارلیک یخشی آلغه بارمسدی و هردایم چقهلاغیمنی قولدن بیریشدن قورقردیم شونی اوچون هر آی شفاکار گه مراجعت قیلر اېدیم.»
۲۵ یاشر هراتلیک نیلوفر، ایکی باله آنهسی دیر و اۉز شفاکاری بیلن ترتیبلی ویزیتی بولگن. اونگه کوره: «بو ایکینچی حاملهدارلیگیم و بیر بالهم بار، هر مرته شفاکار گه مراجعت قیلگن بولسم التراتاووش اۉتکزیلیشی توصیه قیلینگن، بیرینچی حاملهدارلیگیمده فقط ایککی مرته اول و ایکینچی آیده التراتاووش اوتکزگندیم.»
حسینه (مستعار) قویاش ۱۴۰۳-ییلده کابل شهریده بیرینچی حاملهدارلیکنی تجربه قیلگن ایتیشیچه، ۹ آی حاملهدارلیگیده فقط تورت مرته شفاکار گه مراجعت قیلیب و التراتاووش اۉتکزگن، او التراتاووش کوریکیدن سۉنگ تجربهسی حقیده بوندهی دیېدی: «حاملهدارلیگیمده فقط تورت مرته شفاکار گه مراجعت قیلدیم، ایکینچی، آلتینچی، سکیزینچی و توقیزینچی آیلرده تورت مرته التراتاووش اۉتکزدیم، التراتاووشدن کېین قارنیمنینگ قوییسی آغریق تاپردی شونی اوچون شفاکار گه کوپ مراجعت قیلمس اېدیم.»
برچهسی بیلن، جرمنیده حاملهدارلیک مراقبتلرنی تجربه قیلگن عیاللردن باشقه بیری سحرنینگ ایتیشیچه: «حاملهدارلیک تصدیقلنگچ آنه حرمتی اوچون بیر کتابچه تیارلنهدی اونده آنه و چقهلاق حقیده بوتون معلومات کېریتیلگن و حاملهدارلیک وقتیده فقط تورت مرته التراتاووش اوتکزیلهدی و شفاکار هم ضرورت بولمهگنده تورت مرتهدن کوپ التراتاووش اۉتکزمسلیکنی توصیه قیلهدی.»
شو بیلن بیرگه، چیت ایل مملکتلرده حاملهدارلیک دوریده فقط تورت مرته ضروری التراتاووش اۉتکزیلهدی.
امریکاده یشب کېلهیاتگن افغانستانلیک عیال مرسل نیازی، حاملهدارلیکدن آلدین حاملهدارلیک دوریدهگی مراقبتلر قندهیلیگی حقیده معلومات بیریلهدی و ضرورت بولمهگنده حاملهدار عیال اوچون هېچ قندهی الترتاووش اۉتکزیلمسلیگینی اېتهدی.
اونینگ کوپهیتیریشیچه: «حاملهدارلیگیم پیتیده هر آی شفاکار گه مراجعت قیلر اېدیم و هر مرته قان کوریکی و جنین احوالی اوچون ویزیت بیریلردی، بو مملکتده کوپراق اوچ یا که تورت مرته التراتاووش اۉتکزیلهدی، مقصدی چقهلاق یورهگینی تېکشیریش… و ایکینچی التراتاووش هم سندروم بویین آرقهسی و داون سندرومنی تېکشیریش اوچون، عیاللر اۉتکزیش یا که اۉتکزمسلیگی اختیاری دیر.»
عینحالده، سرپرست حکومت ساغلیقنی سقلش وزیرلیگی حاملهدارلیک سلامتلیگی بوییچه ریاستی سلاموطندار گه ایتیشیچه، حاملهدار عیال اوچون التراتاووش و باشقه کوریک اۉتکزیش بو ریاست تامانیدن هېچ قندهی استندرد تعیین قیلینمهگن. عینحالده، ساغلیقنی سقلش وزیرلیگی، بو وزیرلیک تامایندن معیاری طبی خذمت کورسهتیش و تشخیص قیلووچی و معالجه بوتون مرکزلری نظارت قیلینیشیدن خبر بیرهدی.
سرپرست حکومت ساغلیقنی سقلش وزیرلیگی سۉزلاوچیسی شرافت زمان امرخیل گه کوره: «تلویزیونی کوریک اوچون بیران موضوع بیز گه کېلسه تشخیص یخشی بولمسه یا که مشکلی بولسه، بیز تحقیق قیلیب و قانونی یول بارهمیز، بیراق یشاوچیلر تلویزیونی کوریکدن شکایتلری بولسه، شهرنوده طبی شورا ریاستی گه مراجعت قیلیب و شکایتلرینی ثبت قیلیشلری ممکن.»
خلقارا ساغلیقنی سقلش تشکیلاتینینگ گزارشی اساسیده، حاملهدارلیک مراقبتلریدن خبرسیزلیک، اقتصادی معما و طبی خذمتلردن فایدهلنه آلمسلیک، افغانستانده عیاللر و بالهلر اوستیگه سلبی تأثیر قویگن معمالردن حسابلنهدی.
