قرغیزستان مسلمانلری دینی باشقرمهسی گه کوره، بو مملکتده جاری ییلده رمضان هییت بیرهمی ۲۰ مارچ کونی نشانلنهدی.
مذکور اداره، میلادی ۲۰۲۶ ییلگی رمضان هییت بیرهمی ۲۰ مارچ کونیگه توغری کیلیشینی بیلدیرگن. اوشبو قرار تورکی دولتلر تشکیلاتیگه اعضا مملکتلر مفتیلری حضوریدهگی فتوا هییتی ییغیلیشیده قبول قیلینگنی ایتیلگن.
رمضان هییتی (عید فطر) مسلمانلر اوچون مقدس رمضان آیی یکونلنگنینی بیلدیروچی اینگ مهم بیرهم دیر. بو کونی مسلمانلر هییت نمازینی اوقیدی، فطر صدقهسینی بیرهدی، قرینداش-اوروغلرنی زیارت قیلهدی و بیرهم دسترخوانی یازهدی.
