بوگون “شنبه” افغانستان بوییچه سیلاولر ایرکین کمیسیونی باشلیغی حوا علم نورستانی، کابلده خبری بیر ییغین اوتکزیب، غزنی ولایتی نینگ پارلمانی سیلاوی کیله‌جک ییل میزان آیی‌ده اوتکزیلیشی ممکن دیگن.
خانم نورستانی نینگ ایتیشیچه، سیلاولر ایرکین کمیسیونی قویاش ۱۳۹۹- ییل اسد آیی نینگ ۱۶- کونی غزنی ولایتی نینگ پارلمانی سیلاوی اوتکزیلیش ریجه‌سینی رسمی شکلده جمهورلیک ریاستی بیلن شریک قیلگن.
خانم نورستانی‌گه کوره، جمهورلیک ریاستی قویاش ۱۴۰۰- ییل ثور آیی نینگ ۳۱- کونیده غزنی ولایتی نینگ پارلمانی سیلاوی اوتکزیلیشده قرار آلگن، لیکن جمهورلیک ریاستی نینگ سونگی مکتوبی گه کوره، غزنی ولایتی نینگ پارلمانی سیلاوی قویاش ۱۴۰۰- ییل میزان آیی‌ده بولیب اوتیشده قرار آلینگن.
خانم نورستانی نینگ ایتیشیچه، بولیب اوتگن سیلاولرده‌گی قیین‌چیلیک‌لرنی حل قیلگنلر و انه‌شوباعث کیله‌جک سیلاولرده قیین‌چیلیک چیق‌مسلیگی ممکن.
سیلاولر ایرکین کمیسیونی کاتبی باشلیغی حبیب الرحمان نینگ ایتیشیچه، غزنی ولایتی نینگ پارلمانی سیلاوی بولیب اوتیشی اوچون ۱۹ میلیون دالر و ولایتی کینگش سیلاوی بولیب اوتیش اوچون ۸۰ میلیون دالر نظرگه آلینگن.
بوندن نیچه کون آلدین افغانستان ایرکین و عادلانه سیلاولر جمغرمه‌سی خبری ییغین اوتکزیب، غزنی پارلمانی و ولایتی کینگش سیلاوی نینگ عاقبتی بیللی بولمه‌گنیدن خواطر بیلدیرگن حالده، اوشبو سوزلر بیان ایتیله‌دی.
