بوگون ۲۱-میزان طبیعی آفت‌لر زیان‌لری نی کمهیتیریش خلق‌ارا کونی گه ماس دیر. جاری ییلده یوز بیرگن واقعه‌لردن کوپینچه‌سی، افغانستان اهاسی‌گه آغیر مالی و جانی زیان ییتیشتیرگن.
جاری ییلده افغانستان یشاوچیلری یانغین، سوو تاشقین‌لر و زلزله کبی اولیم‌لی و ویران قیلووچی طبیعی واقعهلر گه شاهد ایدیلر که، حاضرگچه اوشبو واقعهلر نینگ زیان‌لری موجود دیر.
طبیعی آفت‌لرنی باشقریش بوییچه دولت وزیرلیگی تامانیدن ترقه‌تیلگن آمار اساسیده، اوتگن بیر ییلده طبیعی واقعهلر نتیجه‌سیده، ۱ مینگ و ۵۰۰دن آرتیق کیشی هلاک و قریب ۳ مینگ و ۷۳۰ کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
انسانی تلفات یانیده، شونینگدیک طبیعی واقعهلر نتیجه‌سیده ۲۳ مینگ یشش اوی کامل یا-ده نسبی شکلده تخریب بولگن و شونینگدیک ۹ مینگ و ۷۰۰ ایکینچی‌لیک ییر هم تخریب بولگن دیر.
اسلامی امارت سرپرست حکومتی رسمی‌لری ایکی آی آلدین تشقی ایشلر وزیرلیگیده طبیعی آفت‌لر باعث زیان کورگنلر گه یاردم توپلش مقصدیده یولگه قوییلگن کنفرانس ده، اوشبو ییل طبیعی آفت‌لر طفیلی زیان‌لرنی قریب ۲ میلیارد دارلر تخمین ایتگن ایدیلر.
شونده‌ی بیرحالده، طبیعی واقعهلر بیلرمانی عبدالباسط رحمان، افغانستان ده طبیعی واقعهلر اثرلری نی کمهیتیریش اوچون، واقعه‌دن آلدین آگاه‌لنتیریلیشی اوستیگه تأکید قیلگن.
طبیعی واقعهلر سبب نیچه مرته زیان کورگن پروان یشاوچیسی سید آرمان، طبیعی واقعهلر بولیمی‌ده آلدین‌دن آگاه‌لنتیریش ایشلری نینگ یوقلیگی‌دن شکایت قیلیب، حکومت‌دن بو توغریده کوپراق توجه قیلیش‌لری نی ایسته‌گن.
عین حالده، طبیعی آفت‌لرنی باشقریش بوییچه دولت وزیرلیگی نینگ ایتیشیچه، مذکور وزیرلیک مملکت‌ده طبیعی واقعهلر اثرلری کمه‌یشی اوچون، برنامه‌لر نی قولگه آلگن دیر.
طبیعی آفت‌لرنی باشقریش بوییچه دولت وزیرلیگی معینی شرف‌الدین مسلم، طبیعی واقعهلر نی آلدین‌دن خبر بیریلیشی خصوصیده تاکید قیلیب و ایتگن که، اوتمیش ییل‌لرده طبیعی واقعهلر نتیجه‌سیده ییتیشگن زیان‌لر و کیله‌جک‌ده زیان ییتیشیش امکانی نی تیکشیریش اوچون تورلی ولایت‌لر گه اوشبو وزیرلیک تامانیدن بیر قطار هیئت یوباریلگن دیر.
بیزلرنینگ توییترده هم تعقیب قیلینگ!
طبیعی آفت‌لرنی باشقریش بوییچه دولت وزیرلیگی معینی نینگ سلام‌وطندار گه ایتیشیچه: «اوتمیش ییل‌لرده طبیعی واقعهلر نتیجه‌سیده ییتیشگن زیان‌لر و کیله‌جک‌ده زیان ییتیشیش امکانی نی تیکشیریش اوچون تورلی ولایت‌لر گه اوشبو وزیرلیک تامانیدن بیر قطار یوباریلگن.»
ایتیش کیره‌ک که، تورلی ولایت‌لرده زلزله و سوو تاشقین‌لر کبی طبیعی واقعه‌لرده زیان کورگنلر، حکومت و یاردم بیرووچی نهاد‌لر تامانیدن مناسب بیر ایش صورت تاپمه‌گنیدن شکایت قیله‌دیلر.
