روسیه جمهور رئیسی نینگ ایتیشیچه، شونینگدیک افغانستان منطقه‌ده اینگ جدی قیین‌چیلیک‌لردن بیری دیر.
روسیه جمهور رئیسی ولادیمیر پوتین، اوتگن کون (پنجشنبه، ۲۱-میزان) قزاقستان پایتختی آستانه ده یولگه قوییلگن سیکا ییغینی‌ده ایتگن که: «شونینگدیک افغانستان حاضرگچه منطقه امنیتی نینگ اینگ جدی قیین‌چیلیک‌لریدن بیری دیر.»
جناب پوتین نینگ کوپه‌یتیریشیچه، افغانستان ایکی دهه آمریکا و ناتو نینگ حضوری‌دن کیین، حاضرگچه مستقل تروریزم گه تیگیشلی تهدید‌لر نی حل قیله‌آلمه‌گن.
بیزلرنینگ فیسبوک صحیفه‌میزگه باش اورینگ!
روسیه جمهور رئیسی جاری ییل‌‌ده روسیه ایلچی‌خانه‌سی برابریده اویوشتیریلگن هجوم گه اشاره قیلیب ایتگن که، افغانستان ده ترورچیلیک هجوم‌لر نینگ دوامی گه کوره، اوشبو مملکت‌ده تروریزم تهدید‌لری حاضرگچه جدی شکلده قالگن دیر.
داعش بوینیگه آلگن کابل ده روسیه ایلچی‌خانه‌سی گه اویوشتیریلگن هجوم‌ده، تینچ اهالی یانیده، اوشبو مملکت ایلچی‌خانه‌سی نینگ ایکی ایشلاوچیسی اولگن ایدی.
شونده‌ی بیرحالده، سیکا ییغینی گه شرکت قیلگن‌لردن باشقه بیری اوزبیکستان جمهور رئیسی شوکت میرضیایف، دنیا جماعه‌سی تامانیدن افغانستان نینگ اونوتیلگنی گه توجه قیلیب، افغانستان خصوصیده اوچره‌شوو اوچون خلق‌ارا بیر گروه ایجاد بولیشی نی ایسته‌گن.
جناب میرضیایف نینگ کوپه‌یتیریشیچه: «اوتمیش‌ده‌گی قیغولی تجربه‌لر نینگ تکرار بولیشی گه رخصت بیره‌آلمه‌یمیز؛ اوشبو مملکت‌ده بیز زمان، خلق‌ارا ترورچیلیک بیر مرکز گه تبدیل بولگن ایدی.»
بیزلرنینگ توییترده هم تعقیب قیلینگ!
شونینگدیک مذکور ییغین‌ده ایران جمهور رئیسی ابراهیم رییسی ایتگن که، افغانستان ده ناتنیچ‌لیک‌‌دن اوتیش اوچون، سیاسی اوچره‌شوو یولی‌دن عملی آدیم‌لر نینگ آلینشی گه نیاز دیر.
او ینه بیر مرته، افغانستان ده همه‌شمول حکومت ایجاد بولیشی گه تاکید قیلگن.
بو ییل دنیا جماعه تامانیدن افغانستان نینگ رسمیت گه تانیلمه‌گنی سبب، اوشبو مملکت‌دن هیچ بیر نماینده سیکا ییغینی‌ده حضوری یوق ایدی.
