اوتگن هفته افغانی پول برابری ده امریکالیک دالر نرخی مثلی کوریلمه‌گن درجه ده پس توشدی و حتا امریکالیک بیر دالر ۷۳ افغانی گچه المشتیریلدی. لیکن بوگون (یکشنبه، ۱۲ سنبله)، افغانی پول برابری ده دالر نرخی قیته دن کوتاریلیب و ۷۸ افغانی گچه المشتیریلگن.
اقتصادی ایش بیلرمان عبدالواسع نائب‌زی نینگ ایتیشیچه، افغانستان سوداگرلیک بولیمی و بازار ده‌گی ترتیب‌سیزلیک، مملکت بازاری و پول نرخی اوستیگه سلبی تأثیر قیلیشی ممکن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بازار ده پول نرخی اوزگریلیشی سلبی تأثیراتی بولیشی ممکن، اوتگن ایکی کون ده بیر دالر ۷۲ و ۷۳ افغانی گچه المشتیریلدی و حاضر قیته دن ۷۷ و ۷۸ افغانی گه المشتیریلماقده، بو اوزگریش مملکت بازاری نینگ ترتیب‌سیزلیگی و بازار ده ایشانچ‌سیزلیک تاپیلیشی گه سبب بوله‌دی.»
افغانستان وارداتی بیر مملکت بولیب و اولکه یشاوچیلری نینگ احتیاج‌لری اینیقسه ییگولیک و یاقیلغی ماده‌لر چیت ایل دن وارد ایتیله‌دی، دالر نرخی پس توشیشی بیلن بازار ده نرخ_نوالر قیمتی اوزگریشی کوتیلر ایدی؛ لیکن مملکت بازارلریده اوزگریش کیلمه‌گن.
ایش بیلرمان‌لر نینگ ایشانچی گه کوره، افغانی پول برابری ده دالر نرخی پس توشیشی دایمی ایمسلیگی اوچون، مملکت ده وارداتی توارلر اینیقسه دستلبکی ماده‌لر نرخی گه اوزگریش کیلمه‌گن.
بیزلرنینگ توییترده هم تعقیب قیلینگ!
اقتصادی ایش بیلرمان ظاهر بهزاد نینگ ایتیشیچه: «حاضرگی قلتیس شرایط ده هیچ بیر سوداگر دالر نینگ نرخی اوستیگه حساب‌له‌ی آلمه‌یدی، شونی اوچون دالر نرخی پس توشیشی بیلن ایچکی بازارلرده نرخ_نوالر اوستیگه تأثیر قیلمه‌گن.»
اقتصادی ایش بیلرمان‌لر نینگ ایشانچی گه کوره، افغانستان اقتصادی، وارداتی بولیشی طفیلی دالر نرخی وقتینچه‌لیک اوزگریشی، کمبغل‌لر وضعیتی و بازار ده ماده‌لر نینگ قیمتی اوستیگه هیچ تأثیر قیلمه‌گن. دالر برابری ده افغانی پول نرخی دایمی روشده اوزگرگن حالده، مملکت اقتصادی و بازاری اوستیگه تأثیر قیلیشی ممکن.
