بلخ ده محلی مسئوللر، اوزبیکستاننینگ ۴۰۰ تُنلیک انسانسیورلیک یاردملری اوشبو ولایتگه ییتیب کیلگنینی معلوم قیلگنلر.
بلخ حاکمی سوزلاوچیسی عطاالله زید، آزیق-آوقت، دارو و طبی جهازلردن عبارت بولگن بو یاردملرنینگ بوگون (۸-جدی، دوشنبه)، حیرتان تجارتی بندریده محلی مسئوللرگه تاپشیریلگنینی بیان قیلگن.
اوشبو انسانسیورلیک یاردملر افغانستان ایشلری بوییچه اوزبیکستان مخصوص نمایندهسی عصمتالله ایرگاشوف حضوری بیلن، بلخ حاکمی محمدیوسف وفا گه تاپشیریلگن.
شوندهی بیرحالده، افغانستان ایشلری بوییچه اوزبیکستان مخصوص نمایندهسی، یوباریلگن بو یاردملردن مقصد ایکی مملکت آرهسیده مناسبتلر مستحکملنیشی، انسانسیورلیک اصولی گه اوزبیکستان دولتینینگ تعهدی و قوشنیچیلیک عنوان قیلگن.
شونینگدیک بلخ حاکمی محمدیوسف وفا، مذکور یاردملردن قدردانلیک قیلیب و بو اقدامنی ایکی مملکت اورتهسیدهگی بیردملیک و یخشی قوشنیچیلیک مناسبتلری رمزی صفتیده بهالهگن.
بلخ ده محلی مسئوللر، ۱۴۰۰-ییلدن بویان اوزبیکستان مملکتی آرقهلی افغانستان اهالیسی گه ۱۵ مینگ تُندن آرتیق انسانسیورلیک یاردملرنینگ یوباریلگنینی بیلدیرگنلر.
