اوزبیکستان باشوزیری اورینباسری جمشید خواجهیفنینگ ایتیشیچه، مملکتی افغانستاننینگ ایکینچیلیک محصوللریگه نیازی بولیب و بو مملکت بیلن قوشمه همکارلیکلر، محصوللرنی قیته ایشلش و ایشلب چیقریشنی رواجلنتیریش بولیمیده ایشلشگه تیار دیر.
اسلام امیرلیگی ایکینچیلیک، سووغاریش و چاروهچیلیک وزیرلیگینینگ بوگون (۵-اسد، دوشنبه)، بیر بیانیه آرقهلی وبسایتیده یازیشیچه، خواجهیف بو موضوعنی مذکور وزیرلیک وزیری ملا عطاءالله عمری بیلن اوچرهشگنیده بیان قیلیب و اوزبیکستاننینگ افغانستان ایکینچیلیک سکتوریده سرمایه یاتقیزیشگه قیزیققنینی ایتگن.
شونینگدیک مذکور اوچرهشووده ایکینچیلیک وزیری، اوزبیکستان و بو مملکت سرمایه یاتقیزووچیلریدن افغانستان دهگی بار فرصتلردن فایدهلنیش بیلن ایکینچیلیک و چاروهچیلیک ساحهسیده سرمایه یاتقیزیشلرینی سورهگن.
بیانیه اساسیده، ایکی تامانلمه علاقهلر کوچهیشی، افغانستان ده ایکینچیلیک، چاروهچیلیک و سووغاریش بولیملریدهگی بار فرصتلر، اقتصادی همکارلیکلر رواجلنیشی و بو بولیملرده قوشمه لایحهلر عملگه آشیریلیشی، مذکور اوچرهشووده بیان بولگن باشقه موضوعلردن دیر.
اوزبیکستان باشوزیری اورینباسری و بو مملکت خصوصی بولیم وکیللری، جاری هفته شنبه کونی کابل کیلیب و حاضرگچه اسلام امیرلیگی رسمیلری جملهدن اسلام امیرلیگی باش وزیری اقتصادی اورینباسری ملاعبدالغنی برادر و اسلام امیرلیگی باش وزیری محمدحسن آخوند بیلن اوچرهشگن.
