جرمنی هامبورگ شهریده «تورکستان بیرلیگی» انجمنی تشثبی بیلن اۉزبېک تیلینینگ ملی کونیدن طنطنهلی طرزده نشانلندی.
اوشبو تدبیر، جرمنیده یشب کیلهیاتگن یشاوچیلر، مدنی فعاللر، یازووچیلر، خاتین-قیزلر و یاشلرنینگ کېنگ کولملی اشتراکی بیلن اۉتکزیلدی.
تدبیرده نطق سۉزلهگن کیشیلر، اۉزبېک تیلینینگ تاریخی و بو تیلنینگ افغانستانده رسمی تیل گه ایلنیشی حقیده به تفصیل معلومات کیریتدیلر.
شونینگدېک، دنیانینگ تورلی نقطهلریدن «تورکستان بیرلیگی» انجمنی گه یۉللنگن پُرمحتوا ویدیویی پیاملر هم ییغیلیشده نمایش اېتیلیب، برنامهنینگ بایلگیگه بایلیک قۉشدی.
بو مراسمنینگ بدیعی و مدنی بۉلیمیده، تورلی اۉزبېک ملی طعاملری، مشهور یازووچی و شاعرلرنینگ کتابلری و اۉزبېک ملی کییملری کۉرگزمهگه قۉییلدی، بو ایسه ای اۉزبېک مدنیتینینگ گۉزهل جلوهسینی نمایش اېتدی.
بو احتفال ده بیرقطار مقام گه ایگه بولگن جرمنی اولکهسی یشاوچی لری هم کوپ علاقهلی بیلن قتنشگن ایدیلر.
اېسلتیب اۉتیش جایز که، بو ییغیلیشده بالهلر اۉزگچه اۉرینگه اېگه ایدیلر؛ اولر قۉشیق، رسّامچیلیک، قۉل یازمهلر اجرا اېتیب، مراسمگه اۉزگچه جوشقینلیک بخشلهدیلر. سونگیده، بالهلر «تورکستان بیرلیگی» انجمنی تامانیدن ساوغهلر بیلن تقدیرلندی.
بو شُکوهلی ییغیلیش، صمیمی و مدنی جوشقینلیککه توله بیر فضاده، اۉزبېک عنعنوی طعامی تارتیلیشی بیلن اۉز نهایهسیگه یېتدی.
