امریکا ۱۴-جوزا، چهارشنبه کونی بیرلشگن ملتلر تشکیلاتینینگ خوفسیزلیک کینگشیده غزه ده «شرطسیز، عاجل و دایمی آتیش کیسین» نی طلب قیلگن قطعنامهنی رد قیلدی. مذکور قطعنامهگه روسیه، چین، فرانسه و بریتانیا کبی ۱۴ مملکت موافق آواز بیرگن؛ بیراق واشنگتننینگ رد قیلیشی اونینگ قبول قیلینیشیگه توسیق بولگن.
اوشبو قطعنامهده، غزه دهگی انسانی وضعیت «فاجعهلی» دیب بیان بولگن و بو منطقهگه انسانسیورلیک یاردملر کیریشی توغریسیده قوییلگن چیکلاولرنینگ تیزلیک بیلن بیکار قیلینیشی طلب قیلینگن ایدی.
بیزلرنینگ فیسبوک صحیفهمیزگه باش اورینگ!
امریکا بیشینچی مرته غزه ده آتیش کیسین گه تیگیشلی بولگن قطعنامه لایحهسینی، اسرائیلنی قوللب-قوتلش مقصد قبول قیلمهگن.
امریکا تشقی ایشلر وزیری مارکو روبیو، بیر بیانیه آرقهلی ایتیشیچه، مذکور قطعنامه «اسرائیل گه قرشی هدفلی» بولیب و «اسرائیل و حماس آرهسیده ناتوغری مقایسه بولیشنی برقرار قیلهدی.»
شونینگدیک اسرائیل، اوشبو ویتودن خورسندلیک بیلدیرگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتیده بریتانیا وکیلی، غزه گه یاردم ییتکزیلیش آرقهسیدهگی اسرائیلنینگ سیاستلرینی «انسانی بولمهگن» دیگن.
غزه ده قحطچیلیک توغریسیده بیرلشگن ملتلر تشکیلاتی و یاردم بیرووچی نهادلر آگاهلنتیرگنی بیرحالده، آواز بیریلگن. بو بیلن بیرگه بشری یاردملر ترقهتیلهدیگن منطقهلرگه اسرائیل اردوسینینگ اوق آتگنی نتیجهسیده، کمیده ۲۷ فلسطینلیکنینگ قربان بولگنیدن گزارشلر ترقهتیلگن.
