امریکا، نوار غزه ده بوزیلگن آتیش کیسین و منطقهده کیسکینلیکلر دوام قیله یاتگن شرایطده، اسرائیل گه ۶.۶۷ میلیارد دالر ارزشیگه حربی قوراللر ساتیشینی تصدیقلهگن.
امریکا تشقی ایشلر وزیرلیگینینگ اعلام قیلیشیچه، اوشبو حربی پاکت ۳.۸ میلیارد دالرلیک ۳۰ ته آپاچی هجومچی تیکاوچر و ۱.۹۸ میلیارد دالرلیک هجومچی زرهی واسطهلردن عبارت دیر.
آپاچی تیکاوچرلر کوپراق اسرائیل کوچلری آرقهلی نوار غزه و باسیب آلینگن کرانهی باختری دهگی حربی عملیات جریانیده فایدهلنیلگن.
امریکا تشقی ایشلر وزیرلیگی اوز بیانیهسیده یازیشیچه: «امریکا اسرائیل امنیتیگه متهعد بولیب، رواجلنیش همده تیار و کوچلی مدافعه امکانیتی سقلهنیشی اوچون اسرائیل گه یاردم بیریش، امریکا ملی منفعتلریگه مهم دیر.»
امریکا، قورال ساتیشگه علاوه هر ییلی اسرائیل گه میلیاردلب دالر حربی یاردم کورستهدی.
ایتیش کیرهک که، بشر حقوقی مدافعه گروهلری و بیرلشگن ملتلر تشکیلاتی ایش بیلرمانلریدن قطاری، نیچه مرته امریکا دن اسرائیل گه قورال یوباریشنینگ توختهتیشینی سورهگن. اولرنینگ ایتیشلریچه، مذکور قوراللر غزه ده توقنشوولر دوامی و انسانی انقراض کوچهیشیده رول اوینهیدی.
