ننگرهار حاکمی سوزلاوچیسی عطاالله خوگیانی بو خبرنی تصدیقلب ایتیشیچه، اوتگن کیچه (چهارشنبه ۱۳- حوت) مذکور ولایت سرخرود تومنی نینگ «مارغوندی» منطقه‌سیده ناتانیش قوراللی کیشیلر گچ ایشلب چیقاره‌دیگن بیر ایش‌خانه نینگ ۷ ایشلاوچیسی نی دهشتلی شکلده اولدیرگن.
ننگرهار پولیس قومندانی جمعه‌گل همت نینگ ایتیشیچه، مذکور ایشلاوچیلر هزاره قوم گه تیگیشلی دیر کیم بو ایش‌خانه‌ده ایش قیلماقده ایکنلر.
اونینگ ایتیشیچه، حاضرگچه ۴ کیشی بو قضیه حقیده عیبلهنیب و تیرگاو آستیده آلینگن. ننگرهار پولیس قومندانی نینگ اورغولشیچه، بو حادثه عامل‌لری عدلی و قضایی اداره‌لرده تانیشتیریلیش‌لری ممکن.
شونینگدیک ننگرهار ملی خوفسیزلیک ریاستیدن هم بیر منبع بو حادثه نی تصدیقله‌گن.
آتی فاش ایتیلیشی نی ایستمه‌گن سرخرود تومن یشاوچی‌لریدن بیر قطاری نینگ سلام‌وطندارگه ایتیش‌لریچه، ناتانیش قوراللی کیشیلر کیچه قرانغوسیدن فایده‌لنیب بو ایشلاوچیلرنینگ اولدیرگنلر و اوزلری ایسه محل دن قاچگنلر.
ننگرهار حوزوی کسلخانه سوزلاوچیسی گل‌زاده سنگر نینگ ایتیشیچه، ۷ جسد بو کسلخانه گه انتقال بیریلگن. اونگه کوره، مذکور ایشلاوچیلرنینگ بدنی ده کلتکله‌نیش نشانه‌لری کورینه‌دی.
بو حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.