بوگون “پنجشنبه” حربی محبوسلر عایله اعضالریدن بیرقطاری، ننگرهار ولایتی کینگش دفتری برابریده توپلهنیب عایله اعضالری و اقاربلرینی حکومت قماقخانهلریدن آزاد ایتیلیشینی سورهگنلر.
اولر، جمهور رییس غنی دن حربی محبوسلرنی آزاد قیلیش خصوصیده بیرگن وعدهسینی ملی عسکر کونی مناسبتیگه عمل گه آشیریشینی سورهگنلر.
اولرنینگ ایتیشلریچه، حکومت حربیلریدن بیرقطاری نیچه ییلدن بویان حکومت قماقخانهسیده دیر و حکومت اولرنی آزاد قیلیش اوچون هیچقندهی اقدام قیلمهگن. حربی محبوسلرنینگ اقاربلری حکومت دن طالبان محبوسلری کبی حربی محبوسلرنی هم قوییب یوباریشینی سورهگنلر.
حربی محبوسلر عایله اعضالریدن بیری خانفراز شیرزاد نینگ ایتیشیچه، طالبان و اسلامی حزب محبوسلری آزاد ایتیلهدی، لیکن حکومتی محبوسلر قماقخانهده دیر.
حربی محبوسلر عایله اعضالردن باشقه بیری فضلالحق نینگ ایتیشیچه، عسکر ملی کونی مناسبتی اوچون قماقخانهده بولگن بوتون حربیلرنی آزاد ایتیلیشی کیرهک.
اولرنینگ ایتیشلریچه، جمهور رییس غنی تینچلیک مصلحتی لویه جرگه ده حربی محبوسلرنینگ آزاد ایتیلیشیدن ایشانچ بیرگن ایدی، لیکن حاضرگهقدر بیرگن وعدهسیگه عمل قیلمهگن.
بوتوغریده جمهورلیک ریاستی فکرینی آلیش اوچون سعی و حرکت قیلدیک، لیکن موفق بولمهدیک.