جوزجان معارف ریاستی مسئوللری نینگ ایتیشلریچه، اوشبو ولایت معارف ریاستی گه بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) تامانیدن، بیک، قرطاسیه و باشقه تعلیم اوسکونه‌لری یاردم بیریلگن.
جوزجان معارف باشلیغی محمدطاهر جواد نینگ ایتیشیچه، اوشبو یاردم‌لر یونیسف دفتری تامانیدن تیارله‌نیب، جوزجان ولایتی نینگ مرکزی شبرغان شهری و تومن‌لریده بیرینچی صنف دن آلتینچی صنف اوقووچیلری گه توزیع بولگن.
بیزلرنینگ فیسبوک صحیفه‌میزگه باش اورینگ!
جوزجان معارف باشلیغی نینگ کوپه‌یتیریشیچه، بکس، کتابچه، قلم، پنسل و اوقووچیلر اوچون ضروری بولگن اوسکونه‌لردن عبارت مذکور یاردم‌لر، ۱۰۴ مینگ اوقووچی گه توزیع بولگن.
جناب جواد گه کوره، توزیع بولگن تعلیم اوسکونه‌لری بیرینچی صنف دن آلتینچی صنف اوقووچیلری نینگ ۷۰ فایز قیینچیلیگینی حل قیلیب و ۳۰ فایز اوقووچیلر اوشبو اوسکونه‌لر گه جدی احتیاجی بارلیگی سیزیله‌دی.
بیزلرنینگ توییترده هم تعقیب قیلینگ!
عین‌حالده، یاردم آلگن قیز اوقووچیلردن بیرقطاری، معارف ریاستی و یونیسف دفتری دن منتدارلیک بیلدیریب، آلتینچی صنف دن یوقاری قیز اوقووچیلر یوزی گه مکتب‌لر آچیلیشینی طلب قیلگنلر.
