بیرلشگن ملتلر تشکیلاتی بالهلرنی قوللب-قوتلش صندیغی (یونیسف)، نینگ آگاهلنتیریشیچه، افغانستان ده هوا اوزگریشلری تاثیری حقیقی «جیم انقراض» بولیب و قوریقچیلیک بولگن ولایتلردهگی سوو حدودلریدن یریمیدن آرتیغی قوریب قالگن.
یونیسف، بوگون (۲۱-عقرب، چهارشنبه)، بیر گزارش آرقهلی، افغانستانلیک هر ۱۰ کیشیدن سکیز تهسینینگ افلاسلنگن سوودن ایچیشینی یازگن.
بو نهادنینگ کوپهیتیریشیچه، شهرلردهگی ساغلیق سیستملر، یشش محیط بوزیلیشی و طبیعی بلالر باسیمی آستیده، اورتهدن کیتماقده که، افلاسلنگن سوو طفیلی کسللیکلر ترقهلیشی کوپهیشیگه سبب بولهدی.
یونیسفنینگ آگاهلنتیریشیچه، افغانستان ده هوا اوزگریشلری برابریده چیدملی و ایچیملیک سوودن فایدهلنیش اوچون نیاز بولگن بودجهدن یالغیز ۵ فایزی تامینلهنیب و مالی منبعلر کملیگی، اقلیمی فاجعهلر و طبیعی بلالرگه جواب بیریش امکانیتینی آز قیلگن.
گزارشده کیلیشیچه، بو ییل برازیل ده بیرلشگن ملتلر تشکیلاتینینگ اقلیم اوزگریشی ۳۰-ییغیلیشی (کاپ ۳۰) ده، افغانستاننینگ هیچ بیر نمایندهسی یوق. بو مملکت اقلیم بحرانی یرهتیلیشیده کوپ آز حصهسی بولگن؛ لیکن اینگ کوپ زیاننی تجربه قیلماقده.
بیرلشگن ملتلر تشکیلاتی بالهلرنی قوللب-قوتلش صندیغینینگ کوپهیتیریشیچه، زلزلهلر، قوریقچیلیکلر و سوو تاشقینلر افغانستان ده میلیونلب باله و عایلهنینگ حیاتینی تهدید قیلهدی همده سوو بیلن ساغلیق بوییچه انقراضی وضعیت، بالهلرنینگ آوقتلنیش و ساغلیق امنیتینی جدی بیر شکلده خوف آستیده قرار بیرگن.
