بیرلشگن ملت‌لر تشکیلاتی نینگ باله‌لردن حمایت قیلووچی صندیغی (یونیسف) نینگ ایتیشیچه، افغانستان ده ۵۰۰ مینگ دن آرتیق قیز و اوغیل باله گه اوقیش زمینه‌سینی یره‌تگنلر.
یونیسف افغانستان بولیمی، بوگون (دوشنبه، ۱ جوزا) اوز توییتری ده یازیشیچه، اوقووچی قیزلر نینگ مکتب گه باریشی اوچون بو یگانه یول دیر.
بیزلرنینگ فیسبوک صحیفه‌میزگه باش اورینگ!
یونیسف گه کوره، افغانستان نینگ اوزاق منطقه‌لریده باله‌لرنی تعلیم بیلن تأمینلش اوچون، ۱۷ مینگ ۶۰۰ محلی صنف ایجاد ایتگنلر.
بیرلشگن ملت‌لر تشکیلاتی نینگ باله‌لردن حمایت قیلووچی صندیغی گه کوره، یاردم بیرووچی نهادلر نینگ مالی حمایتی بیلن افغانستان بویلب محلی صنف‌لرینی ۲۱ مینگ صنف گه کوپه‌یتیریش‌لری ممکن.
عین‌حالده، اسلام امیرلیگی حاکمیتیدن کیین، آلتینچی صنف دن یوقاری اوقووچی قیزلر گه مکتب باریش رخصتی بیریلمه‌گن.
بیزلرنینگ توییترده هم تعقیب قیلینگ!
باشقه تاماندن، تعلیم‌وتربیه سکتوری ضعیف‌لیگی باعث، افغانستان نینگ اوزاق منطقه‌لریده‌گی باله‌لر تعلیم دن محروم قالگن و شونینگدیک، قطار ولایت‌لرده‌گی کوپ سانده مکتب‌لر نینگ درس‌لیک امکانیتی و بنالری یوق دیر.