ایران تشقی مهاجرلر ایشلری بوییچه مرکزی و بیرلشگن ملتلر تشکیلاتینینگ بالهلرنی قۉللب-قوتلش صندیغی (یونیسف)، ایرانده افغانستانلیک عیاللر و بالهلرنی حمایه قیلیش مقصدیده شرطنامه امضالهگنلر.
ایسنا آژانسی، بوگون (۲۱-جوزا، چهارشنبه) ترقهتگن گزارشیده ایککی تامان تعلیم، سلامتلیک، اجتماعی قۉللب-قوتلش و انقراض گه قرشی تیارگرلیک کوریش ساحهلریده قۉشمه عملی برنامهلرنی عملگه آشیریش اوچون کېلیشگنلرینی معلوم قیلگن.
بیزلرنینگ فیسبوک صحیفهمیزگه باش اورینگ!
ایران تشقی مهاجرلر ایشلری بوییچه باشلیغی نادر یاراحمدی، اوشبو شرطنامهنی امضالش مناسبتی بیلن اۉتکزیلگن احتفالده، مهاجر بالهلرنینگ احوالی تشویشلی دیر و افغانستانلیک عایلهلر سانی کوپلیگی اوچون کوپراق دقت قیلینیشی لازم دیگن.
یاراحمدینینگ کوپهیتیریشیچه، یونیسف بیلن همکارلیک قیلیشدن مقصد، فقط مالی یاردم اېمس؛ بلکه افغانستانلیک بالهلر و عیاللرنینگ احوالی یخشیلنیشی اوچون بو نهادنینگ تجربهلریدن فایدهلنیش دیر.
ایرانده یونیسفنینگ وقتینچهلیک وکیلی مونیکا اولدزکا نیلسن گه کوره، بو شرطنامه افغانستانلیک بالهلرنینگ احتیاجلرینی تأمینلش اوچون مهم آدیم دیر.
بیزلرنینگ «ایکس» ترماغی ده هم تعقیب قیلینگ!
ایران حکومتینینگ معلوماتی اساسیده، بو مملکت آلتی میلیون افغانستانلیک مهاجردن میزبانلیک قیلماقده.
بوندن اول، ایران ایچکی ایشلر وزیرلیگی رسمیلری، افغانستانلیک طلبهلر قویاش ۱۴۰۴-ییل، ۱۵-سرطان، سیناولری اوتگچ، بو مملکتنی ترک اېتیشلری حقیده آگاهلنتیرگن اېدیلر.
