اورتاق یا-ده همراه کیشی هردایم آدملرنینگ شخصیتی اوستیگه تأثیر قیلیشی ممکن؛ یخشی اورتاق، آدمنینگ ترقیاتی و یخشی اخلاقلی بولیشی گه سبب بولیب و ناساغلام اورتاق اېسه، آدمنینگ مالی زیان کوریشی، روحی و اجتماعی شخصیتی پس توشیشی گه آلیب کېلیشی ممکن.
سلاموطندار اوشبو گزارشده، توقیز ییگیت و ییتّی قیز شامل ۱۶ یاش بیلن صحبت قیلگن، ناساغلام اورتاق تنلش اولرنی افسردهلیک و باشقهلر بیلن مناسبتی اوزگریشی یا-ده تحصیلنی ترک اېتیش و بنگیوار مادهلر گه چلینیشلری گه سبب بولگن. اوشبو گزارشده صحبت قیلگن ییتّی یاش، ناساغلام اورتاق تنلشلری، اوقیش و تحصیلنی دوام بیره آلمسلیکلری گه سبب بولگنینی اېتگنلر.
بلخلیک ۲۵ یاشر مبین گه کوره، کوپ وقتینی بیرگه اوتکزگن اورتاغی اوقیمسلیگی اوچون اونی ترغیب قیلیب و نهایت اوقیشنی دوام بیره آلمسلیگیگه سبب بولگن. اونینگ کوپهیتیریشیچه: «هردایم مینی صنف گه بارمسلیک، ایش ریجهلرینی ترک اېتیش و یامان ایشلر گه ترغیب قیلردی؛ غایهلریمنی ایزلش اوچون وقتنی اوتکزیش اورنیده، نقصیم گه بولگن ایشلر بیلن اوتکزدیم، تحصیل، ایشدن محروم بولدیم.»
کابل یشاوچیسی و اوشبو گزارشده صحبت قیلگنلردن باشقه بیری ۲۴ یاشر آرزو گه کوره، اورتاغینینگ یامان عادتلرینی ایزلش، اوقیشینی دوام بیره آلمسلیگیگه سبب بولگن. اونینگ ایتیشیچه: «اصلا اوقیش گه اعتبار بیرمسدی؛ مینگه بوتون آدملر درس اوقیب نیمه بولدی که سین اوقیماقچین سنگ دییردی؛ بو ییرده اوقیگن یا-ده اوقیمهگنلرگه تیکین نمره بیریلهدی؛ استه-سکین بو صفتلری مینگه یوقدی و اوقیش گه قیزیقیشیم کمهیدی.»
بیزلرنینگ فیسبوک صحیفهمیزگه باش اورینگ!
باشقه تاماندن، بو گزارشده صحبت قیلگنلردن باشقه بیش نفری، اورتاقلری بیلن اولتیریب-توریش، مناسبتی و عادتلری گه اوزگریش کېلیب و نهایت، اولرنی افسردهلیک بیلن دوچ قیلگنلرینی معلوم قیلهدیلر.
بغلان مرکزی پلخمری شهری یشاوچیسی هوسی فیاض، اورتاقلری عادت و مناسبتی اوزگریشی گه و قرینداشلریدن اوزاقلشی گه سببب بولگنینی اېتهدی. «اورتاغیم بیلن یورهدیگن پیتده عادتلری مینگه تأثیر قیلدی؛ حتا اورتاقلریم، قرینداشلریمنینگ مین بیلن مناسبتی اوزگرگن اېدی؛ عایلهم مین گه نسبتن اچیقلب و نیچه کون مکتب باریشدن محروم بولدیم.»
حقوق و سیاسی بیلیم بولیمیدن فارغ بولگن تخار یشاوچیسی ۲۷ یاشر عارفنینگ ایتیشیچه، اورتاغینینگ افسرده بولگنی اوچون، او افسردهلیک تاپگن. «او افسرده و منفی اویلهیدیگن آدم اېدی؛ بیکارلیک پیتیده اوبیلن بیرگه یورردیم؛ اونینگ فکر و عادتی مینگه تأثیر قیلدی و افسرده بولیشیم گه سبب بولدی.»
بیزلرنینگ «ایکس» ترماغی ده هم تعقیب قیلینگ!
اوشبو گزارشده صحبت قیلگنلر، اوقیشدن محروم قالیش و روحی قیینچیلیک و بنگیوار مادهلر گه چلینیشنی، ناساغلام اورتاقلر بیلن اولتیریب-توریش عاقبتلریدن عنوان قیلگنلر.
اوشبو گزارشده صحبت قیلگنلردن باشقه تورت نفری که بنگیوار مادهلر گه چلینیب و دوالنگن ایتیشلریچه، اورتاقلری بیلن اولتیریب-توریش اوچون بنگیوار مادهلر گه چلینگنلر.
پروان یشاوچیسی و بنگیوار مادهلر گه چلینیب دوالنگن ۱۹ یاشر کریماللهنینگ ایتیشیچه، ناساغلام اورتاق تنلش و بنگیوارمادهلر گه چلینگنلر بیلن اولتیریب توریش، بنگیوار مادهلر گه چلینیشی گه سبب بولگن. «اوچ ییل بنگیوار ماده استعمال قیلدیم؛ مناسبت و عادتلریم خودّی اورتاغیم کبی بولگندی؛ جنگری بیر انسان گه ایلنیب و هر دایم مکتبده اوروش قیلر اېدیم.»
شو بیلن بیرگه، عایلهلردن بیرقطاری اورتاقنی بالهلری اوچون مهم بهالب، ناساغلام اورتاق بالهلرینینگ مناسبتی و شخصیتی اوستیگه سلبی تأثیر قویگنینی معلوم قیلهدیلر.
پروان یشاوچیسی و اوچ باله آنهسی سکینه، اورتاق تنلش بالهلرینینگ مناسبتی و شخصیتی اوستیگه تأثیر قیلگنینی اېتهدی. «بالمنینگ مناسبتیدن راضی اېمس من؛ اصلا یخشی اورتاق تنلهگنی یوق؛ اورتاقلری اوستیگه شونچهلیک تأثیر قیلگن که حتا اورتاقلری کبی کییم-کیچک کییهدی؛ اولر کبی گپیرهدی و کیچ اوی گه کېلهدی و بیزنینگ گپلریمیز گه اعتبار بیرمهیدی.»
جمعیتشناسلر، اورتاق تنلشنی یاشلرنینگ شخصیتی و کیملیگی اوستیگه تأثیرچن دیب، یاشلرنینگ اورتاق تنلشده دقت قیلیشلری گه تأکید اېتهدیلر.
جمعیتشناس احمدراشد صدیقی گه کوره: «تنلهگن اورتاق یامان یولگه کېتسه، بنگیوار ماده استعمال قیلسه، اجتماعی قیینچیلیکلر گه سبب بولسه، اوشه پیتده مناسبتنی کېسیش کېرهک؛ چونکه منفی موردلرنی کېسهی فایدهمیز گه دیر.»
جمعیتشناس و روانشناسلر، هردایم یخشی اورتاقنی نهفقط یالغیزلیکدن قوتیلیش بلکه اجتماعی ترقیات، مهارت اورگهنیش و شخصیتی ترقیات اوچون مهم عنوان قیلگن بیرحالده، یاشلر ناساغلام اورتاقلرینینگ یامان عادت و اولر گه سلبی تأثیر قیلگنیدن نالیماقده.
