بیرلشگن ملتلر تشکیلاتینینگ تعلیم، بیلیم و مدنیت تشکیلاتی (یونسکو)، خلقارا «سوادخوانلیک» کونی مناسبتی بیلن اعلام قیلیشیچه، حاضرگچه دنیا بویلب ۷۳۹ میلیون کیشی باشلنغیچ سواد مهارتلریدن محروم دیر.
یونسکو، بوگون (۱۷-سنبله، دوشنبه)، بیر گزارش آرقهلی یازیشیچه، ۲۰۲۳-ییلده ۲۷۲ میلیوندن آرتیق باله و اوسمیر تحصیلدن محروم قالیب و هر ۱۰ بالهدن ۴ تهسی اوقیشنینگ اساسی درجهسیگه ییتیشمهگن.
یونسکو، بو ییل خلقارا سوادخوانلیک کونی اوچون «دیجیتال دوریده سوادنی رواجلنتیریش» شعارینی تنلهگن.
مذکور نهادنینگ اورغولشیچه، دیجیتال واسطهلری جمعیتده آز امکانیتگه ایگه بولگن گروهلر اوچون اوقیش امکانیتلرینی کینگهیتیریشی ممکن؛ بیراق شو بیلن بیرگه، «ایکی تامانلمه محروملیک»، یعنی عنعنوی تعلیمدن فایدهلنه آلمسلیک و شونینگدیک دیجیتال دوری امکانیتلریدن محروم بولیش خوفی هم موجود دیر.
بیرلشگن ملتلر تشکیلاتی تعلیم، بیلیم و مدنیت تشکیلاتینینگ اورغولشیچه، دیجیتالی اوزگریشلری فایدهلریدن تشقری، شخصی موضوعلرگه تهدید، دیجیتال بوییچه نظارت، تعصبنی کوچهیتیریش، اخلاقی قیینچیلیکلر و اطراف-محیط عاقبتلری کبی خواطرلرنی اورته گه کیلتیرهدی.
بو تشکیلاتنینگ کوپهیتیریشیچه، دیجیتال دوریده سواد یالغیز قاغاز یوزیگه یازیش و اوقیش ایمس؛ بلکیم بیلیش، تیکشیریش، تولید قیلیش و دیجیتال موضوعسی بیلن تینچ شکلده تعامل قیلیشدن عبارت دیر.
یونسکو، سوادنی اساسی بشری حق صفتیده تاکیدلب، عدالتلی، برقرار و تینچ جمعیتلر یرهتیلیشی اوچون مملکتلردن، ایش دستوریگه فایدهلی ارهلشوولر و برچه تامانلمه سیاستلرنینگ قرار بیریشلرینی سورهگن.
۱۹۶۷-ییلدن بیری نشانلنه یاتگن خلقارا سوادخوانلیک کونی، سواد معناسینی قیته کوریب چیقیش و تعلیم سیاستلری همده دستورلرینی کوچهیتیریش اوچون امکانیت دیر.
