بوگون (پنج‌شنبه، ۲- دلو) کابل ده «مسیرناهموار صلح، چالش‌ها وفرصت‌ها» نامیده یولگه قوییلگن ییغینده، نماینده‌لر کینگش اعضاسی غلام حسین ناصری نینگ ایتیشیچه، آمریکا و طالبان گروهی آره‌سیده امضالنگن کیلیشوونامه گه علاوه، ایکی تامان ۹۰۰ صحیفه‌لیک باشقه بیر کیلیشوونامه امضاله‌گن. اونگه کوره، مذکور ضمیمه یاشیرین شکلده امضالنگن و جمهوررئیس غنی و مصالحه عالی کینگش باشلیغی عبدالله عبدالله اوندن خبرسیز دیر.
جناب ناصری گه کوره، آمریکا افغانستان اهالیسی نینگ حاکمیت حقی نی نقض قیلیب و طالبان گروهی بیلن کیلیشوونامه امضاله‌گن کیم مملکت یشاوچی‌لری اونینگ محتواسیدن خبرسیز دیر و بو افغانستان تینچلیک پروسه‌سی نینگ نیابتی بولگنی نی کورسته‌دی.
افغانستانلیکلرارا سوزلشوولرنینگ ایکینچی دوری ۲۰- جدی ده قطر نینگ دوحه شهریده قیته‌دن باشلندی و ملی مصالحه عالی کینگشی طالبان بیلن سوزلشوولر آلغه کیتیشی خصوصیده بیر طرزالعمل توزه‌تیلگنیدن خبر بیردی. بیراق مصالحه کینگشی نینگ طرزالعملی تنقیدلر بیلن روپه‌رو بولگن.
مذکور سیمینار ده احمدشاه مسعود بنیاد باشلیغی احمدولی مسعود نینگ ایتیشیچه، ملی مصالحه عالی کینگشی طرزالعمل تیارله‌گن بیرحالده، افغانستان اهالیسی اونینگ تفصیلاتی دن خبری یوق. جناب مسعود گه کوره، افغانستان حکومتی طالبان و آمریکا گروهی آره‌سیده نیچه یوز صحیفه‌لیک بیر کیلیشوونامه یاشیرین شکلده امضالنگنیدن خبری یوق.
مذکور سیمینار باشقه شرکتچی‌لری نینگ ایتیش‌لریچه، افغانستانلیکلرارا سوزلشوولر حاضرگی روش بیلن آلغه بارمه‌یدی و باشقه بیر گروه میانجی شکلده عمل قیلیشی کیره‌ک.