افغانستانده بیرلشگن ملتلر تشکیلاتی اورین باسرلیک هیئت ادارهسی (یوناما)، سۉنگی کونلرده کابل و قندوزده اویوشتیریلگن خودکش هجوملرنی قارهلهگن.
یوناما، مذکور واقعهلر طفیلی قربان بولگنلرنینگ عایله اعضالری گه قیغوداشلیک بیلدیریب ایتیشیچه: «افغانستان خلقینینگ امنیتی سقلنیب و بو مملکتده زورهوانلیکّه چېک قوییلیشی کېرهک.»
بیزلرنینگ فیسبوک صحیفهمیزگه باش اورینگ!
کابلده خودکش هجوم، ۲۵-دلو، پنجشنبه کونی شهر و اوی-جای قوریش وزیرلیگی ایشیگی یقینیده یوز بیرگن. ایچکی ایشلر وزیرلیگی اوشبو هجوم خنثا قیلینگنینی اېتگن. بو واقعهده خودکش هجومچی و باشقه بیر کیشی هلاک بولیب و باشقه اوچ کیشی یرهلنگن.
مسئوللر گه کوره، خودکش بیر هجومچی شهر و اوی-جای قوریش وزیرلیگی بناسی ایچیده کېریش پیتیده اسلام امیرلیگی کوچلری تامانیدن تانیلیب یوق اېتیلگن و نتیجهده بدنیدهگی ماده پارتلهگن.
کابلده ایمرجنسی کسلخانهسی گه کوره، اوشبو واقعهده چمهسی بیر کیشی هلاک بولیب و باشقه بیش کیشی یرهلنگن.
بیزلرنینگ «ایکس» ترماغی ده هم تعقیب قیلینگ!
بو هجوم مسئولیتینی حاضرگه قدر هېچ کیم یا-ده گروه تن آلمهگن.
بیراق قندوز شهریده اویوشتیریلگن خودکش هجوم مسئولیتینی داعش تن آلگن. بو هجوم ۲۳-دلو، سهشنبه کونی اویوشتیریلگن. ایچکی ایشلر وزیرلیگینینگ معلوماتی اساسیده، مذکور هجومده سکیز تینچ اهالی و حربی قربان بولیب و بیرقطار کیشیلر یرهلنگن.
