بیرلشگن ملتلر تشکیلاتی عیاللر بولیمینینگ اعلام قیلیشیچه، افغانستانلیکلردن ۹۲ فایزی قیزلر تعلیمینی قوللب-قوتلهیدی.
مذکور نهاد بیر بیانیهده، افغانلر برچه جنسی و اجتماعی ساحهلرده تینگ شکلده قیزلرنینگ تعلیمینی قوللب-قوتلهیدی دیب یازگن.
بیرلشگن ملتلر تشکیلاتینینگ عیاللر بولیمی، مملکت بویلب اویمه-اوی سوراو اوتکزیب و اونده ۲ مینگدن آرتیق افغانستان یشاوچیسی شرکت قیلگن که، شرکت قیلگنلرنینگ ۹۲ فایزی قیزلر تعلیمی دوام ایتریلیشی «اونملی» ایکنلیگیگه تاکید قیلگنلر.
بیزلرنینگ فیسبوک صحیفهمیزگه باش اورینگ!
بو تشکیلاتنینگ معلوماتی گه کوره، قیشلاق جمعیتیده ایرککلردن ۸۷ فایزی و عیاللردن ۹۵ فایزی قیزلر تعلیمیدن حمایت قیلگنلری بیرحالده، شهرلرده بو رقم هر ایکی جنس اوچون ۹۵ فایز گه ییتیشگن.
افغانستان ده عیاللر اوچون بیرلشگن ملتلر تشکیلاتینینگ مخصوص وکیلی سوزان فرگوسننینگ ایتیشیچه: «قیزلرنینگ بیرینچی ایتهدیگن نرسهسی شو که، اولر صبرسیزلیک بیلن تعلیم آلیشنی و امکانیتگه ایگه بولیشنی ایستهیدی. شونینگدیک عایلهلر هم قیزلرنینگ آرزوسی شو بولگنینی ایتهدی. اولر بیلهدیلر که سواد و تعلیم بیر قیزنینگ حیات یولینی اوزگرتیرهدی.»
شونینگدیک بیرلشگن ملتلر تشکیلاتینینگ عیاللر بولیمیگه کوره، افغان عیاللرنینگ ۴۰ فایزی حاضرگچه اوزگریش و برابرلیک امکانیتی بولگن بیر کیلهجکنی تصور قیلهدی.
