بیرلشگن ملتلر تشکیلاتینینگ باشکاتبی سوزلاوچیسی استفان دوجاریک، اسلام امیرلیگی و پاکستان آرهسیدهگی توقنشوولرگه اشاره قیلیب و ایکی تاماندن، تینچاهالی و تینچاهالی آستقورمهلرینینگ سقلهب و حمایه قیلیشلرینی سورهگن.
دوجاریک، شونینگدیک خبری بیر ییغیلیشده ایکی تاماندن ضرر کورگن منطقهلرگه انسانسیورلیک یاردملرنینگ تیز و توسیقسیز ییتیب باریشی تامینلشینی سورهگن.
بیرلشگن ملتلر تشکیلاتی باشکاتبی سوزلاوچیسینینگ کوپهیتیریشیچه، چیگرهدهگی نیچه تومنده ثباتسیزلیک دوامی سبب، مکتبلر و بازارلر حاضرگچه یاپیق قالگن.
او، سوزلرینینگ بیر بولیمیده ایتیشیچه: «افغانستان دن هم گزارش بولگن که چیگره توقنشوولری و هوا هجوملری، تینچاهالی تلفاتی و اویلرگه زیان ییتیشیشیگه سبب بولگن.»
دوجاریککه کوره، اسلام امیرلیگی و پاکستان آرهسیدهگی توقنشوولر، ییتی کوندن بیری دوام قیلیب و اوشبو توقنشوولردن ضرر کورگن حدودلرگه باریش، حاضرگچه هم چیکلنگن.
بوندن آلدین، بیرلشگن ملتلر تشکیلاتینینگ خلقارا آزیق-آوقت دستوری، اسلام امیرلیگی و پاکستان آرهسیدهگی توقنشوولر سبب، فعالیتلرینینگ ننگرهار، نورستان، کنر، لغمان، پکتیکا، پکتیا، خوست، قندهار و هلمند ده وقتینچهلیک شکلده توختهتیلیب و بو وضعیت قریب ۱۶۰ مینگ کیشینینگ تاثیرلنتیرگنینی معلوم قیلگن.
اسلام امیرلیگینینگ سونگی معلوماتی اساسیده، پاکستان هجوملری جریانیده ۱۱۰ تینچاهالی «شهید» بولیب و باشقه ۱۲۳ کیشی یرهلنگن.
مذکور توقنشوولرده، تینچاهالی آستقورمهلری حملهدن یشش اویلر، مسجد، کلینیک، مکتب، مدرسه و دکانلر بوتونلی یا-ده قسمی شکلده بوزیلگن.
