بیرلشگن ملتلر تشکیلاتینینگ تعلیم، بیلیم و مدنیت تشکیلاتی (یونسکو) و بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، قوشمه بیر بیانیه آرقهلی، افغانستان ده تعلیم حقی سقلهنیشی اوچون تیز و بیرگهلیکده چاره کوریلیشینی ایستهگن.
یونسکو و یونیسف، بوگون (۴-دلو/ ۲۴-جنوری، شنبه)، خلقارا تعلیم کونی مناسبتی بیلن اورغولشیچه، افغانستان کیلهجگی تینچ و کینگ قمراولی تعلیمگه باغلیق؛ شوندهی که هیچ بیر قیز و اوغیل هر قندهی تعلیم باسقیچیدن محروم بولمهسین.
مذکور بیانیهده کیلیشیچه: «تعلیم انسانی اساسی حقوق بولیب، هر بیر باله و یاش اوچون تینچلیک، قدر-قیمت و امکانیتلرنینگ اساسچیسی حسابلنهدی.»
یونیسف و یونسکو، افغانستان ده آلتینچی صنفدن یوقاری قیزلر تعلیمی تقیقلنگنیگه اشاره قیلیب و کوپهیتیریشیچه، حاضر ۲.۲ میلیون قیز تحصیلنی دوام بیریشدن محروم دیر. بو وضعیت، مملکتنینگ رواجلنیشی امکانیتلرینی چیکلنتیرهدی.
بیانیه اساسیده، افغانستان ده باشلنغیچ تعلیمنی یکونلهگن بالهلرنینگ ۹۳ فایزی حاضرگچه اوقیشنینگ اساسی مهارتلریگه ایگه بولیش اوچون سعیوحرکت قیلماقده. بو نهادنینگ کوپهیتیریشیچه، اوشبو وضعیت سوداخوانلیک تعلیمی ساحهسیگه سرمایه یاتقیزیشنی طلب قیلهدی.
شونینگدیک یونسکو و یونیسفنینگ کوپهیتیریشیچه، افغانستان ده تعلیمنی قیته تیکلش اوچون کینگ قمراولی یاندهشوونینگ قوللب-قوتلشگه دوام بیرهدیلر. بو، مکتبلرنی قیته قوریش، اوقیتووچیلر امکانیتینی آشیریش و یاشلر اوچون مهارتلرنینگ رواجلنیشیدن حمایت قیلیشنی اوز ایچیگه آلهدی.
۲۰۲۱-ییل اگست آییده اسلام امیرلیگینینگ قدرت گه ایریشگنیدن کیین، آلتینچی صنفدن یوقاری قیزلر تعلیمی، «کیینگی امرگچه» تقیقلندی.
۲۰۱۸-ییل ۲۴-جنوری، بیرلشگن ملتلر تشکیلاتینینگ عمومی مجمعسی آرقهلی، تینچلیک و برقرار رواجلنیشنی تامینلشده تعلیمنینگ رولینی قدرلش مقصد، خلقارا تعلیم کونی صفتیده ناملنگن.
