بیرلشگن ملتلر تشکیلاتی آزیق-آوقت و ایکینچیلیک دستورینینگ آگاهلنتیریشیچه، افغانستان ایسیقراق و قوروق قیشنی تجربه قیلماقده.
مذکور تشکیلات، بوگون (۱۶-جدی، سهشنبه)، بیر گزارش آرقهلی اعلام قیلیشیچه، افغانستاننینگ بیر قطار حدودیده یاغینگرچیلیک کمهیشی و حرارتنینگ اورتهچه درجهدن یوقاری بولیشی احتمالی موجود.
مذکور گزارش اساسیده، گرچند قیش آخریده یاغینگرچیلیکنینگ بیراز یخشیراق بولیشی کوتیلهدی؛ لیکن موسوم باشیده یاغینگرچیلیکلر کملیگینینگ کوپ احتمال بیلن قیش بوییچه بوتونلی شکلده جبران بولمسلیگی ممکن.
بیرلشگن ملتلر تشکیلاتی آزیق-آوقت و ایکینچیلیک دستورینینگ کوپهیتیریشیچه، بو ییل قیش موسومی باشدن عادی حالتدن قوروقراق و ایسیقراق شکلده باشلهنیب و توپراق نملیگینینگ کینگ کولملی ییتیشمسلیگی حاضرگچه دوام ایتماقده. بیر قطار پیشبینلیکلرگه کوره، شمالی، شمالشرقی و مرکزی حدوددهگی یوقاری ساحهلرده، اورته درجهدن آزراق یاغینگرچیلیکلرنینگ دوام قیلیشی احتمالی بار.
شونینگدیک مذکور تشکیلات، ۲۰۲۶-ییل کوکلم موسومیده سووغاریش اوچون سوو منبعلرینینگ ییترلی بولمهگنیدن آگاهلنتیریب و اورغولشیچه، بو وضعیت ایکینچیلیک و قار ییریشیگه تیگیشلی بولگن منطقهلرده سوو تامینلنیشیگه مهم تاثیرلری بولیشی ممکن.
بوندن آلدین هم بیرلشگن ملتلر تشکیلاتی ترقیاتی دستوری، هوا اوزگریشلری ییلده افغانستان یشاوچیلریدن ۲۰۰ مینگدن آرتیغینینگ تاثیر آستیده قوییشیدن آگاهلنتیرگن ایدی.
هوا اوزگریشلریدن افغانستاننینگ جبرلنیش میزانی یوقاری بولیب و یشش محیطنی سقلهش ملی ادارهسینینگ معلوماتی اساسیده، بو انقراض بیلن قرشی کورهش اوچون ۲۲ میلیارد دالر گه نیاز بار.
