بلخ ولایتی چهاربولک تومنی نینگ «قزل‌قلعه» قیشلاغیده، ۵۰ مینگ دالر خره‌جت بیلن بیر درمانی مرکز آچیلگن.
بلخ ساغلیق‌نی سقلش ریاستی اورین‌باسری میرصدام نینگ ایتیشیچه، مذکور مرکز ایکی کون آلدین (دوشنبه، ۱۱-سرطان)، آچیلیب و اوشبو درمانی مرکز نینگ آچیلیشی بیلن بیرگه، چهاربولک تومنی‌ده ۱۲ مینگ یشاوچی گه طبی خذمتلردن فایده‌لنیش زمینه‌سی یره‌تیلگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه، مذکور درمانی مرکز نینگ قوریلیش خره‌جتی باله‌لردن حفاظت قیلووچی تشکیلاتی (Save the Children)، آرقه‌لی توللنگن.
چهاربولک تومنی یشاوچیلریدن قطاری نینگ ایتیشلریچه، اوتگن ییل‌لرده بو تومن نینگ آلتی قیشلاغی یشاوچیلری طبی خذمتلردن فایدهلنه آلمس ایکنلر.
بیزلرنینگ فیسبوک صحیفه‌میزگه باش اورینگ!
شونینگدیک ساغلیق‌نی سقلش وزیرلیگی نینگ دستلبکی خذمتلر بولیمی باشلیغی ذبیح‌الله عارض نینگ ایتیشیچه، کیله‌سی اوچ ییل‌گچه افغانستان ده باشقه بیر مینگ ۵۰۰دن آرتیق درمانی مرکز نینگ آچیلیشی ممکن.
افغانستان نینگ اوزاق بولیم‌لریدن کوپ قطاری یشاوچیلری طبی خذمتلردن فایدهلنه آلمسلیک قیین‌چیلیگی بیلن روپه‌ره دیر. بوندن آلدین بیرلشگن ملتلر تشکیلاتی نینگ باله‌لردن حمایت قیلووچی صندیغی (یونیسف)، افغانستان ده ۹ میلیون ۵۰۰ مینگ کیشی نینگ طبی خذمتلردن فایدهلنه آلمه‌یدیگن جایلرده حیات کیچیریشلری نی اعلام قیلگن ایدی.
