اسلام امیرلیگی باش وزیری‌نینگ اداری اورین‌باسری عبدالسلام حنفی، افغانستان اوچون بیرلشگن عرب امیرلیکلری مخصوص وکیلی سیف محمد الکتبی بیلن اوچره‌شیب و صحبت قیلگن.
ارگ، ۱۵-حمل، جمعه‌دن شنبه گه اوتر کیچه، اکس صحیفه‌سیده بیر بیانیه ترقه‌تیب یازیشیچه، مذکور اوچره‌شوو اوتگن کون توش‌دن کیین حنفی جناب‌لری‌نینگ ایش دفتری‌ده اوتکزیلگن.
بیانیه اساسیده، اوشبو اوچرهشووده افغانستان اوچون بیرلشگن عرب امیرلیکلری مخصوص وکیلی، قوشنی مملکت‌لردن چیقریله‌دیگن افغانستان‌لیک قاچقینلر بیلن همکارلیک قیلیش توغریسیده مملکتی‌نینگ تیارگرلیگی‌دن خبر بیرگن.
بیزلرنینگ «ایکس» ترماغی ده هم تعقیب قیلینگ!
شونینگدیک سیف محمد الکتبی، بو اوچرهشووده ایکی مملکت آره‌سیده سرمایه یاتقیزیلیش جلب بولیشی و سوداگرلیک علاقه‌لر کوپه‌یشی‌گه اشاره قیلیب و ایتیشیچه، بیرلشگن عرب امیرلیکلری بو مناسبت‌لر‌نینگ مستحکم‌لنیشی و رواجلنیشی‌نی ایسته‌یدی.
شونینگدیک، عبدالسلام حنفی مذکور اوچرهشووده، «بیرلشگن عرب امیرلیکلری دوست بیر مملکت صفتیده، اوزاق ییل‌لردن بویان افغانستان بیلن تجارتی، اقتصادی و سیاسی مناسبت‌گه ایگه.» دیگن.
اسلام امیرلیگی باش وزیری‌نینگ اداری اورین‌باسری، اینگ یقین‌ده تورلی بولیم‌لرده بیرلشگن عرب امیرلیکلری و افغانستان مناسبت‌لری کوچه‌یشی و اول‌دن کوره کوپراق مستحکم‌لنیشی‌گه امید‌وارلیک قیلگن. ایتیش کیره‌ک که، بو اوچره‌شوودن هیچ بیر صورت ترقه‌تیلمه‌گن.
شونینگدیک سرپرست حکومت تشقی ایشلر وزیرلیگی سرپرستی امیرخان متقی، افغانستان اوچون بیرلشگن عرب امیرلیکلری مخصوص وکیلی سیف محمد الکتبی بیلن اوچره‌شیب و صحبت قیلگن.
تشقی ایشلر وزیرلیگی‌نینگ بیانیه‌سی اساسیده، بو اوچره‌شوو عبدالسلام حنفی و سیف محمد الکتبی‌نینگ اوچره‌شووی‌دن آلدین تشقی ایشلر وزیرلیگی‌ده اوتکزیلیب و مذکور اوچرهشووده ایکی تامانلمه علاقه‌لر، تجارت، ترانزیت و منطقه ایشلری توغریسیده صحبت بولگن.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی سرپرستی، بو اوچرهشووده اسلام امیرلیگی و بیرلشگن عرب امیرلیکلری مناسبت‌لری‌نی «ایجابی»دیگن. او، سونگی پیتلرده قولگه کیلگن کیلیشوولر‌نینگ عمل‌گه آشیریلیشی بیلن ایکی تامان آره‌سیده‌گی سوداگرلیک و ترانزیتی علاقه‌لر‌نینگ کوپراق رواجلنیشی‌گه امید‌وارلیک قیلگن.
بیانیه‌ده کیلیشیچه، بیرلشگن عرب امیرلیکلری مخصوص وکیلی بو اوچرهشووده افغانستان بیلن مملکتی‌نینگ مناسبتی‌نی «اونملی» دیگن. اونگه کوره، بیرلشگن عرب امیرلیکلری تشقی ایشلر وزیری و اسلام امیرلیگی تشقی ایشلر وزیرلیگی سرپرستی آره‌سیده صورت تاپگن کیلیشوولرنی کوزه‌تیش مقصد کابل گه سفر قیلگن.
اسلام امیرلیگی افغانستان ده قیته قدرت گه ایریشگنی‌دن کیین، بیرلشگن عرب امیرلیکلری بیلن کینگ تعامل قیلگن. اسلام امیرلیگی افغانستان‌نینگ خلق‌ارا هوا قونالغه‌لری امنیتی تامین‌لنیشی‌نی امیرلیک شرکت‌لر گه تاپشیریب و شونینگدیک کانلر بولیمی‌ده هم بیر قطار شرطنامه‌لرنی اوشبو مملکت شرکت‌لری بیلن امضا قیلگن.
