سمنگان ولایتی امنیه قوماندانلیگی سۉزلاوچیسی حشمتالله رحمانی، اوشبو ولایتده ایکی کان قولشی عاقبتیده ایکی کانچی هلاک بولگنیدن خبر بیردی.
اونینگ ایتیشیچه، ۲۴-سنبله، دوشنبه کونی توشدن آلدین سمنگان ولایتی درهصوف بالا «شباشک شیخه» قیشلاغیده ۴۵ یاشر بیر کیشی تاش کومیر کانی قولشی طفیلی هلاک بولگن.
رحمانی گه کوره، بو کیشی بامیان ولایتی اصلی یشاوچیسی بولیب و بلخ مرکزی مزارشریف شهریده تیریکچیلیک قیلر اېکن.
سمنگان ولایتی امنیه قوماندانلیگی سۉزلاوچیسی، اوتگن کون هم درهصوف بالا تومنیده تاش کومیر کانی قولشی عاقبتیده بیر کانچی هلاک بولگنلیگینی قوشیمچه قیلگن.
افغانستاننینگ تورلی حدودلری اینیقسه سمنگانده کانلر ناقانونی قازیب چیقریلیشی و ایشلاوچلر خوفسیزلیک امکانیتلرنی نظر گه آلمسلیک، کانچیلر جانینی خوف بیلن دوچ قیلگن عامللردن دیېلهدی.
