بدخشان ولایتی امنیه قوماندانلیگی مسئوللری، ۱۶-میزان، چهارشنبه کونی اوشبو ولایتنینگ ارغنجخواه تومنیده آلتین کانیده قازیلگن تونل قولشی عاقبتیده، ایکی کیشی شهدا تومنی یشاوچیلریدن هلاک بولگنلرینی معلوم قیلدیلر.
بدخشان امنیه قوماندانلیگی سۉزلاوچیسی احسانالله کامگار گه کوره، بو واقعه ارغنجخواه تومنی «گلدره شیوه» حدودلریده روی بیرگن.
اونینگ سۉزلریگه کوره، حادثه قربانلری شهدا تومنی «پیتاو» قیشلاغیدن بولگن ایکی اکه-اوکه، نورمحمد و محمدرحمان بولیب، اولر آلتین کانیده ایشلر اېدیلر.
کامگارنینگ کوپهیتیریشیچه، ایش پیتیده، تونلنینگ بیر قسمی اوشبو ایکی کیشی اوستیگه قولب و اولرنینگ هلاک بولیشیگه سبب بولگن.
بدخشاننینگ آلتین کانلریده عنعنوی اصولده، خوفسیزلیک جهازلرسیز آلتین قزیش ایشلری، هر ییلی کوپینچه کانچیلردن قربانلیک آلهدی.
