جمهورلیک ریاست بیرینچی اورین‌باسری امرالله صالح نینگ ایتیشیچه، کابل شهری نینگ اوچینچی خوفسیزلیک حوزه پولیسی زمانوی (شیک) کییم بیلن تانیقلی کیشی‌لردن باج آله‌دیگن ایکی قیز نی قولگه آلگن.
جناب صالح بوگون (یکشنبه ۲۸- جدی) فیسبوک صحیفه‌سیده یازیشیچه، مذکور ایکی کیشی ۶:۳۰ جلسه‌سی نینگ بویروغی اساسیده، اوچینچی حوزه پولیسی آرقه‌لی قولگه آلینگن.
امرالله صالح نینگ ایتیشیچه، مذکور حسنا و شیما ناملی قیزلر ایرکک‌لرنینگ تهدید قیلیب و پول بیرمه‌گن صورتده آزارلنتیریش عیبلاوی بیلن اولرنینگ عایله‌سی و انسان حقلری گه شکایت قیلیشدن آگاه‌لنتیردی ایکن.
جناب صالح گه کوره، ایرکک‌لردن قطاری آبرو و عزت‌لرینی سقله‌ش اوچون مذکور عیاللرگه پول بیره‌دی ایکن. اونگه کوره، نیچه ییل دن بویان بو قضیه تیکشیریلمه‌گن ایکن.
باشقه بیر تاماندن جناب صالح نینگ ایتیشیچه، بوندن کیین کابل دن چیقه‌دیگن موترلرهم تیکشیریله‌دی. اونگه کوره، سابق موترلر یالغیز کابل گه کیریش پیتده تیکشیریله‌دی ایکن، بیراق حاضر ایسه چیقیش پیتده هم تیکشیریله‌دی.
اونینگ کوپه‌یتیریشیچه، کابل نینگ ایریم بولیمی ده وضعیت نی بوزیب تورگن کیشیلر کرونا بهانه‌سی بیلن قماقخانه‌لردن قوییب یوباریلگن کیشیلر دیر.
