ایچکی ایشلر وزیرلیگی مسوول‌لری نینگ ایتیش‌لریچه، کابل غربی‌ده یوز بیرگن ایکی پارتلش‌ده ۷ کیشی هلاک و باشقه ۶ کیشی یره‌لنگن. ایچکی ایشلر وزیرلیگی گه کوره، مذکور پارتلش‌لر کابل شهری نینگ ۶- و ۱۳ امنیتی حوزه‌سیگه تیگیشلی مهتاب قلعه و سرپل ایستگاهی گه یوز بیرگن و قربان بولگن‌لر تینچ اهالی دیر.
ایچکی ایشلر وزیرلیگی سوزلاوچیسی نینگ اورین باسری احمدضیا ضیا نینگ ایتیشیچه، کابل شهری نینگ مهتاب‌قلعه منطقه‌سیده بیر تونس موتر ده یوز بیرگن پارتلش‌ده بیر عیال شامل ۶ کیشی هلاک و باشقه ۲ کیشی یره‌لنگن.
ایچکی ایشلر وزیرلیگی سوزلاوچیسی نینگ اورین باسریگه کوره، شونینگدیک، کابل غربی نینگ سرپل ایستگاهی ده یوز بیرگن پارتلش‌ده بیر کیشی هلاک و عیال‌لر شامل باشقه ۴ کیشی یره‌لنگن.
حاضرگه‌قدر هیچ‌بیر گروه یا-ده کیشی بو واقعه‌لر مسوولیتی‌نی بوینیگه آلمه‌گن.
