فاریاب ولایتی اندخوی تومنیده فرهنگ سیورلر، شاعرلر، یازووچیلر، یاشلر و یشاوچیلر اشتراکیده «تورکمن تیلی» ملی کونیدن نشانلندی.
اوشبو تدبیر، تورکمن تیلینی قۉللب-قوتلش، اونینگ مدنی و ملی قدریتلرینی اسرهش همده تورکمنلرنینگ مدنیتی و عرف-عادتلرینی خلققه تنیتیش مقصدیده اوتکزیلدی.
بو تدبیر، ۱۱-میزان، جمعه کونی اوتکزیلدی.
تورکمن اهالیسی اوشبو تدبیرده، مکتب و بیلیم یورتلرده اوقیتووچیلری همده طلبهلری اوچون کوپراق تورکمنچه کتابلرنی چاپ اېتیش و نشر قیلیشنی اۉزلرینینگ اېنگ مهم طلبلریدن بیری صفتیده بیان قیلدیلر.
تدبیر تشکیلاتچیلریدن بولمیش آقمحمد نوری شوندهی دیېدی: «بو دستور تورکمن خلقینینگ قدریتلرینی اسرهش و اولرنی یاش اولادلر گه یېتکزیش اوچون دیر. تورکمن خلقی اۉزیگه خاص مدنیت، عرف-عادت و ملی اۉزلیگیگه ایگه، بیز اېسه اۉز قدریت و مدنیتیمیز اساسیده یششنی اېستهیمیز.»
اوشبو تدبیر تشکیلاتچیلریدن باشقه بیری نور یغدی محقق، اهالی اورتهسیده تورکمن تیلی و مدنیتینی ترغیب ایتیش ضرورلیگینی تأکیدلب و شوندهی دیېدی: «اسلام امیرلیگیدن اېستهیمیز کی تورکمن تیلینینگ رواجی و مستحکملنیشی یولیده حرکت قیلسین. تعلیم تیزیمیده بیزنینگ کتابلریمیز چاپ اېتیلیب تورکمنلر اوقییاتگن مکتبلرده اوقیتیلیشی کېرهک.»
تورکمن تیلی مملکتنینگ ملی تیللریدن بیری بولیب و مملکت شمال حدودلری یشاوچیلری کوپراق بو تیل گه گپیرهدیلر.
تورکمن تیلی اورنینی اعزازلش مقصدیده، هر ییلی اوشبو کوندن طنطنهلی شکلده نشانلنهدی.
