تورکیه پایتختی انقره شهری یقینیده اوشبو مملکت نینگ هوا و پروازلر بیلن باغلیق تکنالوژی و صناعت کمپنیه‌سیده قانلی هجوم طفیلی، بو مملکت مدافعه وزیرلیگی عراق و سوریه شمالی حدودلریده کردستان ایشچی حزبی نینگ قرارگاه‌لری نشانگه آلینگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
تورکیه رسمی‌لری، ۲-عقرب، چهارشنبه کونی انقره یقینیده اوشبو مملکت نینگ هوا و پروازلر بیلن باغلیق تکنالوژی و صناعت کمپنیه‌سیده هجوم اویوشتیریلگنیدن خبر بیرگن اېدیلر. بو مملکت ایچکی ایشلر وزیرلیگی، مذکور هجوم کوپ احتمال بیلن کردستان ایشچی حزبی اعضالری تامانیدن اویوشتیریلگنی گه ایشانه‌دی.
او، اوشبو هجوم تلفاتی و زیانلری حقیده هېچ نرسه دیمه‌گن بولسه‌ده؛ بیراق ایککی هجومچی یوق قیلینگنینی اېتگن.
تورکیه یېتکرمه کوره، بو هجومده بیش کیشی قربان بولیب و باشقه ۲۲ کیشی یره‌لنگن.
بیزلرنینگ «ایکس» ترماغی ده هم تعقیب قیلینگ!
تورکیه دولت رهبری رجب طیب اردوغان، روسیه نینگ کازان شهریده بریکس ییغیلیشیده اشتراک اېتیش اوچون او ییرده دیر، بو هجومنی قاره له‌گن.
تورکیه نینگ هوا و پروازلر بیلن باغلیق تکنالوژی و صناعت کمپنیه‌سیده اویوشتیریلگن هجوم ناتو، امریکا قۉشمه ایالتلری و اروپا اتفاقی نینگ مناسبتی بیلن روپه‌ره بولگن.
