بوگون (یک‌شنبه، ۷ جوزا/۲۸ می) تورکیه جمهورلیک ریاستی سیلاوی ایکینچی باسقیچی اوشبو مملکت بویلب محلی وقت بیلن ساعت ۸:۰۰ ده رسمی روشده باشلندی. اوشبو سیلاو، تورکیه نینگ حاضرگی دولت رهبری رجب طیب اردوغان و رقیبی کمال قیلیچدار اوغلو ارا یولگه قوییلگن.
تورکیه نینگ خارجی سیاستی و اوشبو مملکت ده‌گی تورم گه علاوه، مهاجرلر مسئله‌سی دالضرب موضوع‌لردن سنله‌دی.
بیزلرنینگ فیسبوک صحیفه‌میزگه باش اورینگ!
تورکیه جمهورلیک ریاستی نینگ سیلاو ایکی رقیبی، مهاجرلر برابریده تورلی فکر_ملاحظه‌لری بار، حاضر رجب طیب اردوغان حکومتی ده مهاجرلرنی چیقریش جریانی دوام ایتر ایکن؛ بیراق او نینگ رقیبی کمال قیلیچدار اوغلو اوشبو مملکت دن مهاجرلرنی تیزلیک بیلن چیقریش وعده‌سینی بیرگن.
تورکیه تابعیتینی آلگن افغانستان‌لیک عزت‌الله سادات، اوشبو مملکت پارلمانی سیلاوی گه نامزد ایدی سلام‌وطندار گه ایتیشیچه: «بوگون تورکیه فقرالری گه علاوه آواز بیریش شرایطی گه ماس مهاجرلر اینیقسه افغانستان‌لیک قاچقینچیلر هم اشتراک ایتگنلر، اوشبو سیلاو هم تورکیه یشاوچیلری همده مهاجرلر اوچون جوده هم مهم دیر.»
شونینگدیک، تورکیه تابعیتینی آلگن افغانستان‌لیک امید یورت‌داش گه کوره، تورکیه جمهورلیک ریاستی سیلاوی ایکینچی باسقیچی گه قتنه‌شیب آواز بیرگن. او، سیلاو افغانستان‌لیک مهاجرلر نینگ تقدیری اوچون ایجابی نتیجه بیلن یکون تاپیشی گه امید بیلدیره‌دی.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «بیز بو ییرده ایکینچی یورت اوله‌راق قولیمیزدن کیلگونچه سعی‌وحرکت قیله‌یپمیز، شونی اوچون افغانستان‌لیک مهاجرلر برابریده ایکی تور سیاست بولمسلیگینی ایسته‌یمیز و دولت بیزنی تأثیرچن‌لیگیمیزنی درک قیلیشی کیره‌ک، آواز بیریش شرایطی گه ماس ۹۰ فایز مهاجرلر سیلاو گه اشتراک قیلیب و آواز بیرگنلر.»
ایتیش کیره‌ک که، تورکیه جمهورلیک ریاستی سیلاوی بیرینچی باسقیچی، میلادی اوشبو ییل نینگ ۱۴ می ده، آواز بیریش شرایطی گه ماس ۸۸ فایز اهالی نینگ اشتراکی بیلن بولیب اوتگن ایدی، بیراق اوشبو سیلاو باسقیچی ده نامزدلردن هیچ بیری تعینلنگن آوازنی تولدیره آلمه‌گن ایدیلر.