کابل ده تورکیه ایلچی‌سی جِنک اونال نینگ ایتیشیچه، مملکتی تورکیه‌ده اسلام امیرلیگی گه قرشی سیاسی و حربی حرکتلر نینگ یولگه قوییلیشی خصوصیده هیچ کیم گه رخصت بیرمه‌یدی.
کابل ده تورکیه ایلچی‌سی اوشبو بیانات نی، اوتگن کون (پنج‌شنبه، ۲۸-جدی)، اسلام امیرلیگی باش وزیری نینگ سیاسی اورین باسری محمد عبدالکبیر بیلن اوچره‌شگنی‌ده بیان قیلگن.
بیزلرنینگ «ایکس» ترماغی ده هم تعقیب قیلینگ!
ارگ اوز ایکس صحیفه‌سیده یازیشیچه، تورکیه ایلچی‌سی مذکور اوچره‌شووده افغانستان و تورکیه رابطه‌لری کینگه‌یشی گه تاکید‌لب و تورکیه‌لیک سوداگرلر نینگ افغانستان ده کان‌‌لر، برق و ایکینچیلیک بولیم‌لریده سرمایه یاتقیزیش خصوصیده تیارگرلیکلری نی بیان قیلگن.
جِنک اونال نینگ اورغولشیچه: «تورکیه معارف و عالی اوقوو بولیم‌لریده همکارلیک قیلیش گه تیار دیر و افغانستان نینگ رواجلنیشی‌ده حمایت قیله‌دی. تورکیه اسلام امیرلیگی گه قرشی سیاسی و حربی حرکتلر نینگ یولگه قوییلیشی خصوصیده هیچ کیم گه رخصت بیرمه‌یدی.»
اسلام امیرلیگی باش وزیری نینگ سیاسی اورین باسری، اوشبو اوچره‌شووده افغانستان گه تورکیه نینگ یاردم و همکارلیک‌لریدن منت‌دارلیک قیلیب و ایتیشیچه، اسلام امیرلیگی نینگ قدرت گه ایریشگنی‌دن کیین، افغانستان ده تورکیه‌لیک سرمایه یاتقیزووچیلر گه یخشی سرمایه یاتقیزیش زمینه‌سی یره‌تیلگن دیر.
محمد عبدالکبیر نینگ کوپه‌یتیریشیچه، اسلام امیرلیگی برچه مملکت‌لر بیلن یخشی رابطه قوریشنی ایسته‌ب و منطقه‌ده اقتصادی و ترانزیتی علاقه‌لری نینگ رواجلنتیریش خصوصیده سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
او، اسلام امیرلیگی گه قرشی سیاسی و حربی حرکتلر نینگ یولگه قوییلیشی خصوصیده هیچ کیم گه رخصت بیریلمه‌‌یدی دیگن تورکیه نینگ سوزلریدن منت‌دارلیک قیلیب و اورغولشیچه، «حاضر برچه افغانستان‌لیک یشاوچیلر گه قوشمه و آرام حیات کیچیریش زمینه‌سی» یره‌تیلگن دیر.