افغانستانده جمهوریت توزومی قولشی و ایش‌سیزلر سانی کوپه‌یگنیدن سۉنگ، یاشلردن بیرقطاری بونده‌ی احوالدن قوتیلیش اوچون اقتصادی کیچیک فعالیت‌لر گه یوز کېلتیریب و ایش فرصت‌لرینی یره‌تیش بیلن اۉزلری اوچون درآمد زمینه‌سینی یره‌تگنلر. بو گزارش ده کابل شهری ده قریب اوچ ییل دن بېری تورلی ساحه‌لرده اۉزلری اوچون ایش زمینه‌سینی یره‌تگن ۱۰ ییگیت و قیز بیلن صحبت اۉتکزیلگن.
کابل شهری یشاوچیسی ۱۸ یاشر شبنم، سرپرست حکومت حاکمیتیدن سۉنگ ایشینی قولدن بیرگن ایتیشیچه، ایش‌سیزلیکدن قوتیلیش اوچون نقاش‌لیک و خطاط‌لیکّه یوز کېلتیرگن. اونگه کوره: «نقاش‌لیک، خطاط‌لیک و مهره‌کارلیک بولیم‌لریده فعالیت قیله‌من؛ بیر ییلدن بېری مهره‌کارلیکّه یوز کېلتیرگن من؛ کورگزمه‌لر آرقه‌لی مهره‌کارلیک و نقاش‌لیک بولیمیده بویورتمه بیره‌دیلر و بو یول بیلن درآمد قیله‌من.»
کابل یشاوچیلریدن باشقه بیری تمنا رحیمی، تیکووچیلیک و توقیش بولیمیده بیش مینگ افغانی بیلن ایشگه باشله‌گنینی معلوم قیله‌دی. اونینگ کوپه‌یتیریشیچه: «گیلم توقیش و اویمه‌کارلیک کبی تورلی ساحه‌لرده ایشله‌ی من؛ شونینگدیک اوچ ییلدن بېری توقیش و تیکووچیلیک نی باشله‌گن من؛ اۉزگریشدن کېین تعلیم و ایشلش گه دوام بیره آلمه‌دیم شونی اوچون ایش فرصتینی یره‌تیب و درآمدیم بولیش گه حرکت قیلدیم.»
بیزلرنینگ فیسبوک صحیفه‌میزگه باش اورینگ!
جمهوریت توزومیده کابل هوا قونالغه‌سی خادمی بولگن بصیر نینگ ایتیشیچه، ایشدن بوشه‌تیلگنیدن سۉنگ ۹۰ دالر بیلن دیجیتل و سولر خذمت‌لری بوییچه سرمایه یاتقیزیب و اۉزی اوچون درآمد زمینه‌سینی یره‌تگن. اونگه کوره: «دیجیتل بولیمیده ایش باشله‌گنیمدن ایکّی آی اۉتماقده تورلی ساحه‌لر و پلت‌فرم‌لر همده تریننگ بولیم‌لریده ایش آلیب باره‌یپمن و ۹۰ دالر بیلن سرمایه یاتقیزدیم و حاضرگه قدر بیر مینگ ۱۰۰ دالر درآمد قیلگن من.»
اۉزلری اوچون ایش فرصت‌لرینی یره‌تیش بیلن اۉزلری و عایله اعضالری نینگ احتیاج‌لریدن بیر بولیمینی تأمینلش گه اولگورگنلرینی اېته‌دیلر، بو یاشلر.
جمهوریت توزومی قولشیدن سۉنگ تقینچاق‌لر بولیمیده ایشگه باشله‌گن سیدداوود گه کوره، ایشیدن راضی و اونی کېنگه‌یتیریشنی اېسته‌یدی. اونینگ کوپه‌یتیریشیچه: «باشقه ایش یوق شونی اوچون بو ایشگه یوز کېلتیردیم و بو یول آرقه‌لی درآمدیم بولیش گه سعی-حرکت قیله‌یپمن، قیسقه مدت ایچیده ایشیم رواجلنیشینی اصلا کوتمه‌گندیم جوده هم راضی من؛ چونکه ایشیم تیزلیک بیلن رواجلنه‌یپتی.»
بیزلرنینگ «ایکس» ترماغی ده هم تعقیب قیلینگ!
اۉتگن آی گل‌دوزلیک بولیمیده ایشگه باشله‌گن عبدالهادی بهمنی گه کوره: «ایشیمیز کمپیوتری گل‌دزولیک دیر سابق باشقه ایشلرنی قیلردیک؛ حاضرگی قلتیس شرایط ده درآمد اوچون شو ایش یخشی دیب اویله‌دیم؛ بو ایشدن مقصد اۉزیم اوچون ایش فرصتینی یره‌تیش دیر.»
اقتصادی ایش بیلرمان‌لردن بیرقطاری، ایش‌سیزلیک سانینی کمه‌یتیریش اوچون یاشلر نینگ ایش فرصت‌لرینی یره‌تیش ده رولینی مهم بهالب ایتیشلریچه، یاشلر تامانیدن ایش فرصت‌لری یره‌تیلیشی عایله‌لر و افغانستان نینگ اقتصادی ترقیاتی گه یاردم بیریشی ممکن.
اقتصادی ایش بیلرمان شاکر یعقوبی گه کوره: «ایش یره‌تیش تأثیری نیچه ساحه ده بولینه‌دی؛ بو مسئله ایش فرصت‌لری یره‌تیلیشی و ایش‌سیزلر سانی کمه‌یشی گه سبب بوله‌دی؛ باشقه تاماندن ایش یره‌تیش نوآورلیک و فن‌آورلیک ده مثبت تأثیری بولیشی ممکن.»
سرپرست حکومت یاشلرنی تورلی ساحه‌لرده سرمایه یاتقیزیش گه ترغیب قیلیب و تورلی ساحه‌لرده ایش فرصت‌لرینی یره‌تیشی کېره‌ک دیېدی، اقتصادی ایش بیلرمان‌لردن باشقه بیری عبدالنصیر رشتیا. اونینگ کوپه‌یتیریشیچه: «ایش یره‌تووچیلر قۉللب-قوتلنیب، اولر گه ایشلب چیقریش اختیاری بیریلیب و مالی موضوع‌لردن فایده‌لنگن حالده، شبهه‌سیز یاشلر ایش فرصت‌لرینی یره‌تیب و سرمایه یاتقیزیش گه ترغیب بوله‌دیلر.»
مملکت یشاوچیلری اینیقسه یاشلر اوچون ایش فرصت‌لری یوق‌لیگی، هردایم اجتماعی بویوک قیینچیلیک‌لردن بولیب و اولر نینگ انسان پرورلیک یاردم‌لر گه نیازمندلیگی و مملکت نی ترک اېتیش‌لری گه سبب بولگن.
